ബോളിവുഡ് നടി ജാക്വിലിന് ഫെര്ണാണ്ടസിന്റെ ഏഴു കോടിയുടെ സ്വത്തുവകകള് എന്ഫോഴ്സ്മെന്റ് ഡയറക്ടറേറ്റ് (ഇഡി) കണ്ടുകെട്ടി. സുകേഷ് ചന്ദ്രശേഖറുമായി ബന്ധപ്പെട്ട തട്ടിപ്പു കേസിലാണ് നടപടി. സ്ഥിര നിക്ഷേപം, സമ്മാനങ്ങള് എന്നിവ ഉള്പ്പെടെയുള്ള സ്വത്താണ് കണ്ടുകെട്ടിയത്.
പണം തട്ടിപ്പു നിയമത്തിലെ വിവിധ വകുപ്പുകള് അനുസരിച്ചാണ് നടപടി. ശ്രീലങ്കന് സ്വദേശിയായ ജാക്വിലിന് ഫെര്ണാണ്ടസിനെ ഈ കേസുമായി ബന്ധപ്പെട്ട് ഇഡി ചോദ്യം ചെയ്തിരുന്നു.
തട്ടിപ്പിലൂടെ സമ്ബാദിച്ച പണം കൊണ്ട് സുകേഷ് ചന്ദ്രശേഖര് ജാക്വിലിന് വിലയേറിയ സമ്മാനങ്ങള് വാങ്ങിനല്കിയെന്നാണ് ഇഡിയുടെ കണ്ടെത്തല്. സമ്മാനങ്ങള് സ്വീകരിച്ചതായി ജാക്വിലിന് ചോദ്യം ചെയ്യലില് സമ്മതിച്ചിരുന്നു.
സുകേഷില്നിന്ന് ഒരു മിനി കൂപ്പര് കാര് സമ്മാനമായി സ്വീകരിച്ചെങ്കിലും ഇതു പിന്നീട് തിരിച്ചു നല്കിയെന്നും ജാക്വിലിന് ഇഡിയെ അറിയിച്ചിട്ടുണ്ട്.