ഷെയിൻ നിഗം വിവാദം ഒത്തുതീർപ്പിന്റെ വക്കിലെത്തി നിൽക്കുകയാണ്.ഷെയിൻ നിഗം മാപ്പുപറഞ്ഞ ഈ സാഹചര്യത്തിൽ പ്രതികരണവുമായി നിര്‍മ്മാതാവ് ജോബി ജോര്‍ജ്. ഷെയന്‍ തനിക്ക് മകനെപ്പോലെയാണെന്നും എന്നാല്‍ കാര്യങ്ങള്‍ തീരുമാനിക്കേണ്ടത് സംഘടനകളാണെന്നും സംഘടന എടുക്കുന്ന തീരുമാനത്തിനൊപ്പമായിരിക്കുമെന്നുമാണ് ജോബിജോര്‍ജ് പറഞ്ഞത്.
‘ഷെയ്ന് എനിക്ക് മകനെപ്പോലെയല്ലേ അവനെ കൊല്ലുമെന്നോ തല്ലുമെന്നോ ഞാന്‍ പറഞ്ഞിട്ടില്ല. ഞാന്‍ പറഞ്ഞുവെന്ന് പറയുന്ന വോയിസ് ക്ലിപ്പ് നിങ്ങള്‍ കേള്‍പ്പിച്ചു.ഞാന്‍ ഒന്നും പറഞ്ഞിട്ടില്ല. എല്ലാം ദൈവത്തിന് സമര്‍പ്പിക്കുന്നു. ഞാന്‍ ജീവിക്കുന്നത് സത്യസന്ധമായിട്ടാണ്.
അതുകൊണ്ട് ഇതൊന്നും കേട്ടാല്‍ ഞാന്‍ പേടിക്കില്ല. എനിക്ക് അവനോട് ഒരു പിണക്കവുമില്ല. പക്ഷേ കാര്യങ്ങള്‍ തീരുമാനിക്കേണ്ടത് സംഘടനകളാണ്. സംഘടനകള്‍ എടുക്കുന്ന തീരുമാനത്തിനൊപ്പമാണ് ഞാന്‍ ‘ ജോബിജോര്‍ജ് പറഞ്ഞു. ഷെയ്ന് പക്വത എത്തിത്തുടങ്ങിയെന്ന് വിശ്വസിക്കുന്നെന്നും നടന്‍ ഉയരങ്ങളിലെത്താന്‍ പ്രാര്‍ത്ഥിക്കുമെന്നും ജോബി ജോര്‍ജ് കൂട്ടിച്ചേര്‍ത്തു.
joby jeorge about shane