അടുത്തിടെയാണ് മലയാളി മിനിസ്ക്രീൻ പ്രേക്ഷകരുടെ ഇഷ്ട താരജോഡികളായ നടന്‍ ജിഷിനും നടി വരദയും വിവാഹ മോചിതരാകാന്‍ പോകുന്നു എന്ന വാർത്ത പുറത്തുവന്നത്. എന്നാല്‍ ഗോസ്സിപ്പുമായി രംഗത്തുവന്നവർക്ക് മുഖമടച്ചുള്ള മറുപടി കൊടുത്ത് വരദയും ജിഷിനും രംഗത്തുവന്നതോടെ ഗോസിപ്പുകള്‍ ഒരു പരിതിവരെ അവസാനിച്ചു.
ഇപ്പോഴിതാ ഒരു വര്‍ഷത്തിന് മുന്‍പ് ഒരു മീഡിയയ്ക്ക് രണ്ട് പേരും നല്‍കിയ അഭിമുഖത്തിന്റെ വീഡിയോയാണ് വൈറലാവുന്നു. തങ്ങളുടെ പ്രണയത്തെ കുറിച്ചും ദാമ്പത്യത്തെ കുറിച്ചും എല്ലാം ജിഷിനും വരദയും സംസാരിക്കുന്നുണ്ട്.
രണ്ട് പേര്‍ക്കും ഒരുമിച്ച് പലപ്പോഴും ഷൂട്ടിങ് ഉണ്ടാകാറില്ല. ഒരാള്‍ക്ക് ബ്രേക്ക് വരുമ്പോഴായിരിയ്ക്കും മറ്റേ ആള്‍ക്ക് ഷൂട്ട്. അതുകൊണ്ട് മോന്റെ കാര്യങ്ങള്‍ നോക്കാന്‍ ആരെങ്കിലും എപ്പോഴും അവനൊപ്പം ഉണ്ടാവും. പിന്നെ വളരെ അപൂര്‍വ്വമായിട്ടാണ് രണ്ട് പേരും പോകുന്നത്. ആ സമയത്ത് കുഞ്ഞ് വരദയുടെ അമ്മയ്ക്കും അച്ഛനും ഒപ്പമായിരിയ്ക്കും. ഒരുമിച്ച് ഒരു സീരിയലില്‍ അഭിനയിക്കില്ല എന്ന് ഞങ്ങള്‍ നേരത്തെ പ്ലാന്‍ ചെയ്തതാണ്. മോന്‍ ഏറ്റവും വലിയ കൂട്ട് ജിഷിനുമായിട്ടാണ് എന്ന് വരദ പറയുന്നു.
ഞങ്ങള്‍ രണ്ട് പേരും ഒരേ ഫീല്‍ഡില്‍ ആയത് ഗുണമായി എന്നാണ് ഞങ്ങള്‍ക്ക് രണ്ട് പേര്‍ക്കും തോന്നിയിട്ടുള്ളത്. അതാവുമ്പോള്‍ പരസ്പരം മനസ്സിലാക്കാന്‍ കഴിയും. ഇത്ര ദിവസം ഷൂട്ട് ഉണ്ടാവും, കുറച്ച് വൈകും എന്നൊക്കെ പറഞ്ഞാല്‍ മനസ്സിലാക്കാന്‍ രണ്ട് പേര്‍ക്കും പറ്റും. രണ്ട് പേരും വ്യത്യസ്ത മേഖലയിലായിരുന്നു എങ്കില്‍ ഒരു പക്ഷെ അതിന് സാധിയ്ക്കുമായിരുന്നില്ല.
കൂടെ അഭിനയിക്കുന്നവര്‍ക്കൊപ്പം കെട്ടി പിടിച്ച് അഭിനയിച്ചാല്‍ ഭാര്യയ്ക്ക് സംശയം തോന്നില്ലേ എന്നൊക്കെ ചോദിയ്ക്കും, അതിനെല്ലാം ഉള്ള ഉത്തരമാണ് ഇത്. അഭിനയം എന്താണെന്നും ജീവിതം എന്താണ് എന്ന് ഞങ്ങള്‍ രണ്ട് പേര്‍ക്കും അറിയാം.
ഒരു ദിവസത്തെ വഴക്ക് പിറ്റേ ദിവസം വരെ കൊണ്ടു പോകരുത് എന്ന കാര്യം ഞങ്ങള്‍ കല്യാണത്തിന് മുന്‍പേ തന്നെ തീരുമാനിച്ചതാണ്. ഗുഡ് നൈറ്റ് പറഞ്ഞ് ഒരു ചുംബനം കൊടുത്തിട്ടാണ് ഞങ്ങള്‍ ഉറങ്ങാറുള്ളത്. രണ്ട് പേരും ഉത്രം നക്ഷത്രക്കാരായതുകൊണ്ട് രണ്ട് പേരും വാശിക്കാരാണ്. ഇതെങ്ങനെയെങ്കിലും രാത്രി തന്നെ തീര്‍ത്തിട്ടേ ഉറങ്ങൂ എന്ന വാശി രണ്ട് പേര്‍ക്കും ഉണ്ടാവും.
അതുകൊണ്ട് ആരെങ്കിലും ഒരാള്‍ കോപ്രമൈസ് ചെയ്ത് അവസാനിപ്പിയ്ക്കും. സാധാരണ കുടുംബ ജീവിതത്തില്‍ ഉണ്ടാവുന്ന പ്രശ്‌നങ്ങള്‍ എല്ലാം ഞങ്ങള്‍ക്ക് ഇടയിലും ഉണ്ട്. പക്ഷെ തെറ്റ് തന്റെ ഭാഗത്ത് ആണ് എന്ന് തോന്നുമ്പോള്‍ രണ്ട് പേരും അത് പരസ്പരം പറഞ്ഞ് തീര്‍ക്കും. അല്ലാതെ വലിയ പ്രശ്‌നങ്ങളൊന്നും ദൈവം സഹായിച്ച് ഇതുവരെ ഉണ്ടായിട്ടില്ല.
ഒരേ ചിന്താഗതിയുള്ള നല്ല രണ്ട് സുഹൃത്തുക്കളായിരുന്നു ഞങ്ങള്‍. പിന്നെ ചില സാഹചര്യങ്ങള്‍ ഞങ്ങളെ തമ്മില്‍ അടുപ്പിച്ചു. ഇഷ്ടമാണ് എന്ന് വരദയോട് പറഞ്ഞപ്പോള്‍, വീട്ടുകാരുടെ സമ്മതം ഉണ്ടെങ്കില്‍ മാത്രമേ കല്യാണം ഉണ്ടാവൂ എന്ന് അവള്‍ ഉറപ്പിച്ചു പറഞ്ഞിരുന്നു.
രണ്ട് വീട്ടുകാര്‍ക്കും തുടക്കത്തില്‍ ചെറിയ എതിര്‍പ്പ് ഉണ്ടായിരുന്നു. പിന്നെ നിരന്തരം പോയി ചോദിച്ചുകൊണ്ട് ഇരുന്നപ്പോഴാണ് വരദയുടെ വീട്ടില്‍ നിന്നും ഗ്രീന്‍ സിഗ്നല്‍ കിട്ടിയത്. എന്റെ വീട്ടില്‍ അച്ഛന്‍ സമ്മതവും അനുഗ്രഹവും തന്നെങ്കിലും കല്യാണത്തിന് പങ്കെടുത്തില്ല- ജിഷിന്‍ പറഞ്ഞു.
about varadha