സമൂഹത്തിലെ സ്ത്രി വിരുദ്ധത സിനിമയിലില്ല. എന്നിട്ടും പുതിയ സിനിമകൾ റിയിലിസമാണെന്ന് വാദിക്കുന്നുവെന്ന് നടൻ ഹരീഷ് പേരടി. ഫേസ്ബുക്ക് കുറിപ്പിലൂടെയാണ് അദ്ദേഹത്തെ ഈ കാര്യം ചൂണ്ടികാണിക്കുന്നത്
സമൂഹത്തെ നവീകരിക്കാതെ സിനിമയെ മാത്രം നവീകരിക്കുന്നത് യഥാര്‍ഥ സ്ത്രിവിരുദ്ധതയെ മൂടിവെക്കുന്ന ഒരു ഫാസിസ്റ്റ് സമീപനമല്ലേയെന്ന് അദ്ദേഹം പറയുന്നു
ഫേസ്ബുക്ക് കുറിപ്പ്
എന്റെ ചെറുപ്പകാലത്ത് റിലീസാവുന്ന 50% സിനിമകളിലും ബലാൽസംഗമുണ്ടായിരുന്നു….വ്യക്തമായി പറഞ്ഞാൽ സമൂഹത്തിലെ സ്ത്രീ വിരുദ്ധത അതുപോലെ സിനിമയിലുണ്ടായിരുന്നു…ഇന്ന് വാർത്താമാദ്ധ്യമങ്ങൾ നിറയെ ബലാൽസംഗ വാർത്തകളാണ്…എന്നിട്ടും നമ്മുടെ സിനിമകളിൽ ബലാൽസഘങ്ങൾ പോയിട്ട് സ്ത്രീവിരുദ്ധരായ കഥാപാത്രങ്ങൾപോലുമില്ല വില്ലൻമാരെപോലും ന്യായികരിക്കുന്ന നല്ല തറവാടിത്തമുള്ള തിരക്കഥകൾ…
…വ്യക്തമായി പറഞ്ഞാൽ സമൂഹത്തിലെ സ്ത്രി വിരുദ്ധത സിനിമയിലില്ല…എന്നിട്ടും പുതിയ സിനിമകൾ റിയിലിസമാണെന്ന് പറയുന്നു…എന്തൊരു കള്ളത്തരമാണിത്…സമൂഹത്തെ നവീകരിക്കാതെ സിനിമയെ മാത്രം നവീകരിക്കുന്നത് യഥാർത്ഥ സ്ത്രി വിരുദ്ധതയെ മൂടിവെക്കുന്ന ഒരു ഫാസിസ്റ്റ് സമീപനമല്ലെ ?…സ്ത്രീ വിരുദ്ധ പരാമർശങ്ങളുള്ള സിനിമയിൽ അഭിനയിക്കില്ല എന്ന് പറയുന്ന അഭിനേതാക്കൾ അവർ ജീവിച്ചിരിക്കുന്ന കാലഘട്ടത്തോട് നീതി പുലർത്താത്ത അരാഷ്ട്രീയതയല്ലെ പറഞ്ഞു കൊണ്ടിരിക്കുന്നത് ?…
Hareesh Peradi On Realistic movies Misogyny in malayalam cinema……