തെന്നിന്ത്യയില്‍ നിരവധി ആരാധകരുള്ള താരമാണ് മുന്‍ എംപി കൂടിയായ ദിവ്യ സ്പന്ദന. ഇപ്പോഴിതാ ആ ത്മഹത്യയില്‍ നിന്ന് തന്നെ രക്ഷിച്ചത് രാഹുല്‍ ഗാന്ധിയാണെന്ന് വെളിപ്പെടുത്തി രംഗത്തെത്തിയിരിക്കുകയാണ് നടി.
അച്ഛന്റെ മരണത്തെ തുടര്‍ന്ന് മാനസികമായി തകര്‍ന്ന അവസ്ഥയിലായിരുന്നു താനെന്നും, അക്കാലത്ത് ആത്മഹത്യയെ കുറിച്ച് ചിന്തിച്ച തന്നെ അതില്‍ നിന്നും മുക്തയാക്കിയത് രാഹുലിന്റെ പിന്തുണയായിരുന്നുവെന്ന് ദിവ്യ പറയുന്നു.
കോണ്‍ഗ്രസ് വക്താവ് കൂടിയാണ് ദിവ്യ സ്പന്ദന. അച്ഛന്റെ മരണ സമയത്ത് ഞാന്‍ പാര്‍ലമെന്റ് അംഗമാണ്. പലരെയും തിരിച്ചറിയാന്‍ പോലും എനിക്കന്ന് കഴിഞ്ഞില്ല. ആ ത്മഹത്യ പ്രവണത മനസില്‍ വന്ന സമയത്ത് രക്ഷിച്ചത് രാഹുലാണ്. അദ്ദേഹം മാനസികമായി വളരെയധികം പിന്തുണ നല്‍കി.
അമ്മയും അച്ഛനും കഴിഞ്ഞാല്‍ ജീവിതത്തില്‍ ഏറ്റവും സ്വാധീനിച്ചത് രാഹുല്‍ ഗാന്ധിയാണെന്നും ദിവ്യ സ്പന്ദന പറയുന്നു. 2012ല്‍ ആണ് ദിവ്യ യൂത്ത് കോണ്‍ഗ്രസിന്റെ ഭാഗമാകുന്നത്. തുടര്‍ന്ന് 2013ല്‍ മാണ്ഡ്യ മണ്ഡലത്തില്‍ നിന്ന് ലോക്‌സഭയിലെത്തി.
ദിവ്യ സ്്പന്ദനയ്ക്ക് കോണ്‍ഗ്രസിന്റെ സോഷ്യല്‍ മീഡിയ വിഭാഗത്തിന്റെ ചുമതല കൂടിയുണ്ടായിരുന്നു. ഇപ്പോള്‍ സിനിമയില്‍ വീണ്ടും സജീവമാകാനൊരുങ്ങുകയാണ് നടി.