ഗായിക സിത്താര കൃഷ്ണകുമാറും മകൾ സാവന്‍ ഋതുവുമുള്ള സുന്ദരമായ നിമിഷങ്ങളാണ് ഇപ്പോൾ സമൂഹ മാധ്യമങ്ങളിൽ ശ്രദ്ധ നേടിയിരിക്കുന്നത്. അമ്മയും മകളും ഒരുമിച്ചുള്ള പാട്ടുകൾ സിതാര തന്നെ പങ്കുവെയ്ക്കാറുണ്ട് . ഇക്കുറി സിത്താരയെ മകള്‍ സാവന്‍ ഋതു പാട്ടുപഠിപ്പിക്കുന്ന വീഡിയോയാണ് വൈറലായി മാറിയിരിക്കുന്നത്
‘മുത്തശ്ശി’ എന്ന ചിത്രത്തിനുവേണ്ടി വി ദക്ഷിണാമൂര്‍ത്തി സംഗീതം പകര്‍ന്ന ‘പമ്പയാറിന്‍ പനിനീര്‍ക്കടവില്‍’ എന്ന് തുടങ്ങുന്ന പാട്ടാണ് സാവന്‍ അമ്മയെ പഠിപ്പിക്കുന്നത്.
വീഡിയോ പങ്കുവെച്ച് സിത്താര എഴുതുന്ന കുറിപ്പാകട്ടെ ഇങ്ങനെ..
‘ഞങ്ങള്‍ തുടങ്ങട്ടെ ! Ready 1, 2, 3…. പമ്പയാറില്‍ പനിനീര്‍ കടവില്‍ ! കുഞ്ഞി കൈ ചുരുട്ടി ഒരെണ്ണം വന്നത് തക്കസമയത്ത് തടുത്തതുകൊണ്ട് രക്ഷപെട്ടു കാര്യായിട്ട് ഒരു കാര്യം പഠിപ്പിക്കുമ്പോള്‍ തമാശകളിച്ചാല്‍ ആര്‍ക്കായാലും ദേഷ്യം വരും, സ്വാഭാവികം !’
തണ്ണീർമത്തനിലെ ഈ ജാതിക്കാ തോട്ടം’ എന്ന പാട്ട് പാടി സാവന്‍ സോഷ്യൽ മീഡിയയിൽ കയ്യടി നേടിയിരുന്നു.
ഇരുവരും ഒന്നിച്ച് പാടിയ ‘ഉയരെ’യിലെ ‘നീ മുകിലോ’, ‘മധുരരാജ’യിലെ ‘മോഹമുന്തിരി’ തുടങ്ങിയ പാട്ടുകളൊക്കെ ആരാധകർ ഇരുകയ്യും നീട്ടിയാണ് സ്വീകരിച്ചത്.
daughter teaching sithara krishnakumar pambayarin panineerkkadavil song……