മലയാളത്തിലെ എക്കാലത്തെയും ഹൊറർ ചിത്രങ്ങളിൽ മികച്ചതായിരുന്നു വിനയൻ സംവിധാനം ചെയിത ആകാശഗംഗ .മലയാളത്തില്‍ മികച്ച വിജയം നേടിയ ഹൊറര്‍ ചിത്രമായിരുന്നു 1999-ല്‍ വിനയന്‍ സംവിധാനം ചെയ്ത ‘ആകാശഗംഗ’. ‘ആകാശഗംഗ’യുടെ പഴയകാലത്തെ ഒരു ഫോട്ടോയാണ് സോഷ്യല്‍ മീഡിയയിലെ ഇപ്പോഴത്തെ സംസാര വിഷയം. സിനിമയിലെ എല്ലാ താരങ്ങളും അണിനിരന്നുകൊണ്ടുള്ള ഒരു ഗ്രൂപ്പ് ഫോട്ടോയാണ് ഫേസ്ബുക്കിലൂടെ വിനയന്‍ പങ്കുവെച്ചിരിക്കുന്നത്.
‘ആകാശ ഗംഗ’യുടെ സ്വീക്വലായ ‘ആകാശ ഗംഗ 2’വിലെ താരങ്ങളുടെ ഗ്രൂപ്പ് ഫോട്ടോയ്ക്കൊപ്പമാണ്, പഴയകാല ആകാശഗംഗയുടെ ഓര്‍മ്മകള്‍ വിനയന്‍ പുതിക്കയത്. ഓണ റിലീസായി തയ്യാറെടുക്കുന്ന വിനയന്റെ ‘ആകാശഗംഗ 2’വില്‍ അതിന്റെ ആദ്യ ഭാഗം പോലെ തന്നെ വമ്ബന്‍ ടീമാണ് അണിനിരക്കുന്നത്.
സലിം കുമാര്‍,സിദ്ധിഖ്, ഹരീഷ് കണാരന്‍, സെന്തില്‍ കൃഷ്ണ, ശ്രീനാഥ് ഭാസി. ധര്‍മജന്‍, ജഗദീഷ്, പ്രവീണ തുടങ്ങിയ മലയാളത്തിലെ ഒട്ടുമിക്ക താരങ്ങളും ‘ആകാശഗംഗ’യുടെ രണ്ടാം ഭാഗത്തില്‍ ശ്രദ്ധേയമായ കഥാപാത്രത്തെ അവതരിപ്പിക്കുന്നുണ്ട്.
മുകേഷ്, ദിവ്യ ഉണ്ണി, മയൂരി, രാജന്‍ പി ദേവ്, മധുപാല്‍, സുകുമാരി, ജഗതി ശ്രീകുമാര്‍, ഇന്നസെന്റ് തുടങ്ങിയ പ്രമുഖ താരങ്ങളാല്‍ സമ്ബന്നമായിരുന്നു ‘ആകാശഗംഗ’. വലിയ പ്രതീക്ഷകള്‍ ഇല്ലാതെ പ്രദര്‍ശനത്തിനെത്തിയ ‘ആകാശഗംഗ’ മലയാള സിനിമ കണ്ട എക്കാലത്തെയും വലിയ വിജയമാണ് സ്വന്തമാക്കിയത്, ആ വര്‍ഷത്തെ ഏറ്റവും വലിയ വിജയ ചിത്രമായി ‘ആകാശഗംഗ’ മാറുകയും ചെയ്തു. ബെന്നി പി നായരമ്ബലമായിരുന്നു ചിത്രത്തിന്റെ രചന നിര്‍വഹിച്ചത്.
akashaganga new and old photo share director vinayan