രാജ്യം മുഴുവന്‍ സാക്ഷ്യം വഹിച്ചത് ചരിത്ര മുഹൂര്‍ത്തത്തിനാണെന്ന് നടി കൃതി കുല്‍ഹാരി. വനിതാ സംവരണ ബില്‍ ഇരുസഭകളിലും പാസായതിന്റെ പശ്ചാത്തലത്തിലായിരുന്നു നടിയുടെ പ്രതികരണം. നമ്മുടെ രാജ്യത്ത് അതിശകരമായ മാറ്റമാണ് സംഭവിച്ചിരിക്കുന്നതെന്നും അവര്‍ കൂട്ടിച്ചേര്‍ത്തു.
രാജ്യത്തിന് ഇത് ചരിത്ര മുഹൂര്‍ത്തമാണ്. വരും വര്‍ഷങ്ങളില്‍ ലിംഗ സമത്വമുള്ള അന്തരീക്ഷത്തില്‍ വളരാന്‍ നമ്മുടെ വരും തലമുറകള്‍ക്ക് സാധിക്കും. ഈയവസരത്തില്‍ പാര്‍ലമെന്റിലേക്ക് ഞങ്ങളെ ക്ഷണിച്ച കേന്ദ്രമന്ത്രി അനുരാഗ് ഠാക്കൂറിന് ഹൃദയം നിറഞ്ഞ നന്ദിയറിയിക്കുകയാണെന്നും കൃതി കുല്‍ഹാരി പ്രതികരിച്ചു.
ഇന്ത്യന്‍ വനിതയായതില്‍ ഞാന്‍ അഭിമാനിക്കുന്ന നിമിഷമാണിതെന്നായിരുന്നു നടി ഹൃഷിതാ ഭട്ടിന്റെ പ്രതികരണം. രാജ്യത്ത് സ്ത്രീകള്‍ നയിക്കുന്ന വികസനത്തിലേക്കുള്ള ചുവടുവയ്പ്പാണിതെന്നായിരുന്നു 2021ലെ വിശ്വസുന്ദരിയായ ഹര്‍ണാസ് സന്ധുവിന്റെ അഭിപ്രായം.