മുംബൈയിലെ സിദ്ധിവിനായക ക്ഷേത്രത്തിൽ കുടുംബസമേതം ദർശനം നടത്തി നടി കൃതി സനോൻ. സഹോദരി നുപൂർ സനോനും മാതാപിതാക്കളും കൃതിയോടൊപ്പം ക്ഷേത്രദർശനം നടത്തിയിരുന്നു. സഹോദരിമാർ ഇരുവരും മഞ്ഞനിറത്തിലുള്ള വസ്ത്രങ്ങളാണ് അണിഞ്ഞിരുന്നത്. ക്ഷേത്രദർശനത്തിന് ശേഷം പ്രസാദവുമായി പുറത്തെത്തിയ കൃതി മാദ്ധ്യമപ്രവർത്തകരെ കണ്ടപ്പോൾ അവർക്കും പ്രസാദം വിതരണം ചെയ്തു. ആരാധകരോടൊപ്പം ചിത്രങ്ങൾ എടുത്തതിന് ശേഷമാണ് താരം മടങ്ങിയത്.
മിമി എന്ന ബോളിവുഡ് ചിത്രത്തിലെ അസാധ്യ പ്രകടനത്തിലൂടെ ദേശീയ പുരസ്കാരം സ്വന്തമാക്കിയ നടിയാണ് കൃതി സനോൻ.
2021ൽ പുറത്തിറങ്ങിയ ചിത്രമായിരുന്നു കൃതിക്ക് ദേശീയ പുരസ്കാരം നേടിക്കൊടുത്ത ‘മിമി’. വിദേശ ദമ്പതികൾക്ക് വേണ്ടി വാടക ഗർഭധാരണം നടത്തുന്ന യുവതിയുടെ കഥാപാത്രമാണ് കൃതി ചെയ്തത്. അറിയപ്പെടുന്ന ഒരു അഭിനേത്രിയാകണമെന്ന മോഹം സഫലമാക്കാനുള്ള പണം ഇതുവഴി സമ്പാദിക്കുകയായിരുന്നു മിമി എന്ന കഥാപാത്രത്തിന്റെ ലക്ഷ്യം. തീയേറ്ററിൽ വൻ പ്രേക്ഷകപ്രീതി നേടിയ ചിത്രം പിന്നീട് ഒടിടിയിലിറങ്ങിയപ്പോഴും വലിയ രീതിയിൽ പ്രശംസിക്കപ്പെട്ടിരുന്നു.