സംവിധായകൻ അരുൺ ഗോപി, പ്രണവ് മോഹൻലാലിനെ നായകനാക്കി ഒരുക്കിയ ഇരുപത്തിയൊന്നാം നൂറ്റാണ്ട് എന്ന ചിത്രത്തിലൂടെ സിനിമാലോകത്ത് അരങ്ങേറിയ താരമാണ് സയ ഡേവിഡ്. ഇൻസ്റ്റയിൽ സജീവമായ സയ പുത്തൻ ചിത്രങ്ങളുമായി എത്തിയിരിക്കുകയാണ്. ഇൻസ്റ്റയിൽ പങ്കുവെച്ചിരിക്കുന്ന പുത്തൻ ചിത്രങ്ങളോടൊപ്പം അവനെ അന്വേഷിക്കുകയാണ്, എന്ന കുറിപ്പും സയ ചേര്‍ത്തിട്ടുണ്ട്. അതിനാൽ തന്നെ പ്രണയത്തിലാണോ എന്ന കമന്‍റുകളുമായി ആരാധകരും എത്തിയിട്ടുണ്ട്.
ബെംഗളുരു സ്വദേശിനിയാണ് സയ. മോഡലിംഗ് രംഗത്ത് നിന്ന് സിനിമയിലെത്തിയ സയയുടെ ശരിയായ പേര് റേച്ചൽ ഡേവിഡ് എന്നാണ്. സിനിമയിലെത്തിയതിന് ശേഷമാണ് സയ എന്നാക്കിമാറ്റിയത്. ഒരൊന്നൊന്നര പ്രണയകഥ എന്ന സിനിമയിലും സയ അഭിനയിച്ചിരുന്നു. സുരേഷ് ഗോപിയെ നായകനാക്കി നിഥിൻ രഞ്ജി പണിക്കർ ഒരുക്കുന്ന പുതിയ ചിത്രമായ കാവലാണ് സയയുടെതായി ഇറങ്ങുന്ന അടുത്ത ചിത്രം.
actress