ഫോട്ടോയ്ക്ക് പോസ് ചെയ്യവെ അനുവാദമില്ലാതെ ശരീരത്തില്‍ സ്പര്‍ശിച്ച ആരാധകനോട് പ്രതികരിച്ച് നടി ആഹാന കുമ്ര. ഫോട്ടോ എടുക്കാന്‍ വന്നയാള്‍ ആഹാനയുടെ ഇടുപ്പില്‍ ചുറ്റിപ്പിടിക്കുകയായിരുന്നു. ഇയാളോട് ‘ശരീരത്തില്‍ തൊടരുത്’ എന്ന് പറയുന്ന നടിയുടെ വീഡിയോയാണ് ശ്രദ്ധ നേടുന്നത്.
ആരാധകന്റെ പ്രവൃത്തി അഹാനയ്ക്ക് ബുദ്ധിമുട്ടുണ്ടാക്കി എന്ന് താരത്തിന്റെ പെരുമാറ്റത്തില്‍ നിന്നും വ്യക്തമാണ്. സംഭവത്തില്‍ പ്രതികരിച്ച് ആഹാനയുടെ ആരാധകരും രംഗത്തെത്തിയിട്ടുണ്ട്. ഒരു പെണ്‍കുട്ടി നോ പറഞ്ഞാല്‍ അത് ചെയ്യരുത് എന്നാണ് അര്‍ഥമെന്നും അനുവാദമില്ലാതെ താരത്തെ സ്പര്‍ശിച്ചത് മോശമായിപ്പോയി എന്നുമാണ് ആരാധകരുടെ കമന്റുകള്‍.
ഏറെ വിവാദങ്ങള്‍ സൃഷ്ടിച്ച ‘ലിപ്സ്റ്റിക് അണ്ടര്‍ മൈ ബുര്‍ഖ’ എന്ന സിനിമയില്‍ അഭിനയിച്ച താരമാണ് ആഹാന കുമ്ര. അമിതാഭ് ബച്ചനൊപ്പം സോണി എന്റര്‍ടെയ്ന്‍മെന്റ് ടെലിവിഷന്റെ ‘യുദ്ധം’ എന്ന സീരീസിലൂടെയാണ് ആഹാന അഭിനയ രംഗത്തെത്തിയത്.