ബിഗ് ബോസ്സിലെ മത്സരാർത്ഥികൾക്ക് വേണ്ടി പ്രേക്ഷകരോടൊപ്പം തന്നെ വോട്ട് അഭ്യർത്ഥിച്ച് സെലിബ്രിറ്റികളും എത്തിയിരുന്നു. ഒന്നാം സ്ഥാനം നേടിയ ദിൽഷയ്ക്ക് വേണ്ടി വോട്ട് അഭ്യർത്ഥിച്ച് സിനിമ താരങ്ങളും എത്തിയിരുന്നു.
ഇപ്പോഴിതാ ദിൽഷയുടെ വിജയത്തേക്കുറിച്ച് ഇൻസ്റ്റഗ്രാമിൽ വീഡിയോയുമായെത്തിയിരിക്കുകയാണ് ഗായത്രി സുരേഷ്.
ദിൽഷയ്ക്ക് വേണ്ടി വോട്ട് ചെയ്തത് ഓരോ വീട്ടിലേയും അംഗങ്ങളാണ്. എന്റെ കാഴ്ചപ്പാടിൽ ഏറ്റവും അർഹതപ്പെട്ട വിജയം ദിൽഷയ്ക്ക് തന്നെയാണ്. ഭൂരിഭാഗം പേർക്കും ഇത് തന്നെയായിരിക്കും അഭിപ്രായം. അതുകൊണ്ട് തന്നെയാണ് ദിൽഷ ജയിച്ചതും. ദിൽഷ നല്ല രസമുള്ള കുട്ടിയാണ്. ഒരുപാട് പോസിറ്റിവിറ്റിയും ഒക്കെയുള്ള കുട്ടി. ഞാൻ ബിഗ് ബോസിന്റെ വലിയ ഒരു ഫാനാണ്. ഷോ തുടങ്ങിയപ്പോൾ ഒന്നും ദിൽഷയെ ശ്രദ്ധിച്ചിരുന്നില്ല. ചിലതിന്റെ സുഗന്ധം പതുക്കെ പതുക്കെ പരക്കുകയുള്ളൂ എന്നു പറയുന്ന പോലെ ദിൽഷയുടെ സുഗന്ധം പതുക്കെ പതുക്കയാണ് എല്ലാവരും അറി‍ഞ്ഞു തുടങ്ങിയതെന്നും ഗായത്രി പറയുന്നു. വാട്ട് എ ഗേൾ എന്നാണ് എനിക്ക് ദിൽഷയെ പറ്റി തോന്നിയിട്ടുള്ളത്. ഡീഗ്രേഡിങ് കേട്ടാലും അഞ്ച് മിനിറ്റ് കരഞ്ഞ് കഴിഞ്ഞാൽ ദിൽഷയ്ക്ക് അത് കഴിഞ്ഞു. ദിൽഷ ഭയങ്കര പോസിറ്റീവാണ്. ഒരേ സമയം മോഡേണും ആണ് നാടനും ആണ്. കുറേ മോറൽ വാല്യൂസ് ഒക്കെയുള്ള ഒരു കുട്ടി കൂടിയാണ് ദിൽഷയെന്നും ഗായത്രി. ഞാൻ നല്ല കുട്ടിയാണ് എന്ന് ദിൽഷ ഒരിക്കലും പറഞ്ഞിട്ടില്ലെന്ന് നടി പറയുന്നു
കേരളത്തിലെ ഒരുപാട് പെൺകുട്ടികൾക്ക് ദിൽഷ ഒരു പ്രചോദനമാണ്. ഇത് നന്മയുടെ വിജയമാണ്. ഒരുപാട് നാളുകളായി നന്മ അടിച്ചമർത്തപ്പെടുകയായിരുന്നു. ദിൽഷയെ കണ്ട് പഠിക്കണം പെൺകുട്ടികൾ. സ്ട്രോങ് ആയി തന്നെ മുന്നോട്ട് പോവുക എന്നാണ് ദിൽഷയോട് എനിക്ക് പറയാനുള്ളത്. ഇത് റോബിനും ദിൽഷയും കൂടി നേടിയെടുത്ത വിജയമാണ്. റോബിൻ ഔട്ടായിപ്പോയപ്പോൾ ദിൽഷ റോബിന് വേണ്ടി ഫൈറ്റ് ചെയ്തത് ഒരു പോരാളിയെപ്പോലെയായിരുന്നു. അവർ രണ്ടു പേരും അങ്ങോട്ടും ഇങ്ങോട്ടും ഒരുപോലെ സപ്പോർട്ട് ചെയ്തു.
ശരിക്കും ഈ വിജയം നന്മ ജയിക്കണമെന്ന് കരുതി ആളുകൾ ഇറങ്ങി തിരിച്ചതാണ്. ബ്ലെസ്‌ലി, റിയാസ്, ലക്ഷ്മിപ്രിയ എന്നിവരേയും എനിക്ക് ഇഷ്ടമാണ്. ലക്ഷ്മിപ്രിയ ഭയങ്കര സ്ട്രോങ് ലേഡി ആണ്. എല്ലാ ഇമോഷൻസും കാണിക്കുന്ന ആളാണ് ലക്ഷ്മിപ്രിയ. ഈ വിജയം ഭയങ്കര പ്രതീക്ഷയാണ് നൽകുന്നത്. ദിൽഷയ്ക്ക് വേണ്ടി വോട്ട് ചെയ്ത എല്ലാ ബോയിസിനും ഞാൻ നന്ദി പറയുന്നു. എല്ലാവരും നന്നായി തന്നെ കളിച്ചു. ഇത് ഒരു ചരിത്ര വിജയമാണ്- ഗായിത്രി പറഞ്ഞു. ബിഗ് ബോസ് നാലാം സീസണിൽ റോബിനും ദിൽഷയും ആണ് ഏറ്റവും ഇഷ്ടപ്പെട്ട മത്സരാർഥികൾ എന്ന് ഗായത്രി മുൻപ് പറഞ്ഞിട്ടുണ്ട്.