സീരിയൽ നടൻ ജിത്തു വേണു ഗോപാല്‍ വിവാഹിതനായി. കാവേരി എസ് നായരാണ് വധു. വിവാഹചിത്രങ്ങലും വീഡിയോയും സോഷ്യൽ മീഡിയയിൽ ശ്രദ്ധ നേടുന്നു. തെസ്‌നി ഖാന്‍, ബീന ആന്റണി, മനോജ്, അമൃത നായര്‍ തുടങ്ങി സിനിമ – സീരിയല്‍ രംഗത്തെ പല പ്രമുഖരും വിവാഹത്തില്‍ പങ്കെടുത്തു.
സീതാ കല്യാണം എന്ന സീരിയലിലൂടെ പ്രേക്ഷക പ്രിയം നേടിയ നടനാണ് ജിത്തു വേണു ഗോപാല്‍. പിന്നീട് കുടുംബവിളക്ക് എന്ന സീരിയലില്‍ അതിഥി താരമായി എത്തിയ നടന്‍ ഇപ്പോള്‍ മൗനരാഗം എന്ന സീരിയല്‍ ആണ് ചെയ്യുന്നത്. സോഷ്യല്‍ മീഡിയയില്‍ സജീവമാണ് കാവേരി. ടിക്ക് ടോക്കിലൂടെയും ഷോര്‍ട്ട് വീഡിയോസിലൂടെയും പരിചിതയാണ്.
ജിത്തു അഭിനയിച്ചുകൊണ്ടിരിയ്ക്കുന്ന മൗനരാഗം എന്ന സീരിയലിലും നിലവില്‍ നടന്റെ വിവാഹം നടന്ന് കൊണ്ടിരിയ്ക്കുന്ന ഭാഗങ്ങളാണ് സംപ്രേക്ഷണം ചെയ്തുകൊണ്ടിരിയ്ക്കുന്നത്. അത് ഡ്യൂപ്ലിക്കേറ്റ് ആണ്, ഇതാണ് എന്റെ ഒറിജിനല്‍ കല്യാണം എന്ന് വിവാഹ ശേഷം മാധ്യമങ്ങളോട് പ്രതികരിക്കവെ ജിത്തു പറഞ്ഞു.
‘എല്ലാവരും ഇതുവരെ ഏട്ടനെ സപ്പോര്‍ട്ട് ചെയ്തത് പോലെ ഇനിയും സപ്പോര്‍ട്ട് ചെയ്യണം. എല്ലാവരുടെയും പ്രാര്‍ത്ഥന ഉണ്ടാവണം.’ എന്നാണ് കാവേരി പറഞ്ഞത്.. വിവാഹ ശേഷം എന്താണ് ഭാവി പരിപാടി എന്ന് ചോദിച്ചപ്പോള്‍, കാവേരി ഇപ്പോള്‍ ജോലി ചെയ്യുന്നുണ്ട്, അത് തുടരും. ഞാനും സീരിയലുകളുമായി മുന്നോട്ട് പോകും എന്നായിരുന്നു ജിത്തുവിന്റെ മറുപടി.
പ്രണയ വിവാഹമാണ്, അതിന്റെ സന്തോഷം തീര്‍ച്ചയായും ഉണ്ട് എന്ന് ജിത്തു പറയുന്നു. നീണ്ട കാലത്തെ പ്രണയമാണ് ഞങ്ങളുടേത്. അത് സക്‌സസ്സ് ആകുക എന്നു വച്ചാല്‍ അതിലും വലിയ സന്തോഷം വേറെയില്ല. ഹണിമൂണ്‍ പ്ലാനുകള്‍ ഒക്കെയുണ്ട്, പക്ഷെ ഇപ്പോള്‍ കമ്മിറ്റ് ചെയ്ത ചില പ്രൊജക്ടുകളുമായി തിരക്കിലാണ് എന്ന് ജിത്തു പറയുന്നു.