മാധ്യമ പ്രവർത്തകയുടെ പരാതിയിൽ നടൻ ശ്രീനാഥ് ഭാസിക്കെതിരെ കേസെടുത്തിരിക്കുകാണ് പോലീസ്. അഭിമുഖത്തിനിടെസ്ത്രീത്വത്തെ അപമാനിച്ചുവെന്ന് കാണിച്ചാണ് പരാതി നൽകിയത്.
മാധ്യമപ്രവര്ത്തകയോട് മോശമായി സംസാരിച്ച സംഭവത്തില് ആദ്യ പ്രതികരണവുമായി ശ്രീനാഥ് ഭാസി. ചട്ടമ്പി സിനിമയുടെ പ്രദര്ശനത്തിന് ശേഷം മാധ്യമങ്ങളോട് സംസാരിക്കവെയാണ് പ്രതികരണം. താന് ആരെയും തെറിവിളിച്ചിട്ടില്ല, തന്നോട് മോശമായി പെരുമാറിയപ്പോള് സാധാരണ മനുഷ്യന് എന്ന നിലയില് നടത്തിയ പ്രതികരണമാണെന്നാണ് ശ്രീനാഥ് ഭാസി പറഞ്ഞത്
ചട്ടമ്പി സിനിമയുടെ പ്രെമോഷന്റെ ഭാഗമായി കഴിഞ്ഞ ദിവസം പ്രമുഖ ഹോട്ടലില് നടന്ന നടനുമായുള്ള അഭിമുഖം നടന്നിരുന്നു. ഇതിനിടെയാണ് സംഭവം. അഭിമുഖത്തില് ചോദിച്ച ചോദ്യങ്ങള് ഇഷ്ടപ്പെടാതിരുന്നതോടെയാണ് ശ്രീനാഥ് ഭാസി മോശംഭാഷപ്രയോഗങ്ങള് നടത്തിയതെന്നും താന് ജോലി ചെയ്യുന്ന സ്ഥാപനത്തിലെ ക്യാമറമാനോടും ശ്രീനാഥ് ഭാസി മോശമായി പെരുമാറിയെന്നും മാധ്യമപ്രവര്ത്തക ആരോപിക്കുന്നുണ്ട്. സംഭവത്തില് ഇടപ്പെട്ട സിനിമ നിര്മാതാവിനോട് ശ്രീനാഥ് അക്രമാസക്തനായി പെരുമാറിയെന്നും പരാതിയില് പറയുന്നു. നടനെ ഇന്ന് പോലീസ് ചോദ്യം ചെയ്യും.