കുപ്പിവളകിലുകിലുകിലുങ്ങണല്ലോ…. പാട്ടു കേള്‍ക്കുമ്പോൾ തന്നെ ലാലേട്ടനൊപ്പം മനസിൽ തെളിയുന്ന മറ്റൊരു മുഖമുണ്ട്. നിറപുഞ്ചിരിയോടെ പ്രേക്ഷക മനസുകളിൽ കയറിക്കൂടിയ തെന്നിന്ത്യൻ സുന്ദരി നന്ദിനി..പ്രശസ്ത സംവിധായാകൻ ബാലചന്ദ്ര മേനോൻ സംവിധാനം ചെയ്ത ഏപ്രിൽ 19 എന്ന സിനിമയിലൂടെ അഭിനയ ലോകത്തേക്ക് ചുവടു വച്ച നന്ദിനിയ്ക്ക് പ്രായം 40 കഴിഞ്ഞുവെങ്കിലും ഇനിയും വിവാഹിതയല്ല. ആരെങ്കിലും വരുമെന്ന് ഇനിയും നല്ല പ്രതീക്ഷയുണ്ട് അതുകൊണ്ട് ഇനി വിവാഹം വൈകില്ലെന്നും താരം തുറന്നു പറയുകയാണ് .
വീട്ടില്‍ ആലോചനകളൊക്കെ നടക്കുന്നുണ്ട്. എന്റെ ജീവിതത്തോട് ചേര്‍ത്ത് നിര്‍ത്താന്‍ കഴിയുന്ന ഒരാളെയാണ് ഞാന്‍ വിവാഹം കഴിക്കാന്‍ ആഗ്രഹിക്കുന്നത്. അയാളെ ഉടന്‍ കണ്ടെത്താനാകുമെന്ന പ്രതീക്ഷയിലാണെന്നാണ് നന്ദിനി പറയുന്നത്.മികച്ച ഒരുപാട് കഥാപാത്രങ്ങളുമായി ഒരു കാലത്ത് മലയാളി പ്രേക്ഷകരുടെ മനസിൽ ഇടം നേടിയ താരമാണ് നന്ദിനി. തുടക്കം നന്നായതു കൊണ്ടു ആകാം പിന്നീടിങ്ങോട്ട് നന്ദിനിക്ക് കൈനിറയെ ചിത്രങ്ങളായിരുന്നു. ലേലം, അയാൾ കഥ എഴുതുകയാണ്, തച്ചിലേടത്ത് ചുണ്ടൻ, നാറാണത്ത് തമ്പുരാൻ, കരുമാടിക്കുട്ടൻ, സുന്ദര പുരുഷൻ തുടങ്ങി നിരവധി സിനിമകളിൽ 2016ൽ പുറത്തിറങ്ങിയ അനുരാഗകരിക്കിൻവെള്ളമാണ് നടി അവസാന ചിത്രം.
about nandhini