മമ്മൂട്ടിക്കൊപ്പം മഞ്ജു വാര്യർ അഭിനയിക്കുന്ന ഏറ്റവും പുതിയ ചിത്രമാണ് ദി പ്രീസ്റ്റ്.
ചിത്രത്തിൻ്റെ ഷൂട്ടിങ് കൊച്ചിയിൽ പുരോഗമിക്കുകയാണ് എന്ന വർത്തകളാണ് ഇപ്പോൾ പുറത്തുവരുന്നത്. ചിത്രത്തിൻ്റെ സെറ്റിലേക്ക് മഞ്ജു ജോയിൻ ചെയ്തിരിക്കുകയാണ് ഇപ്പോൾ. ഇരു താരങ്ങളും ഒന്നിച്ച് നിൽക്കുന്ന ചിത്രങ്ങൾ സോഷ്യൽ മീഡിയയിൽ എത്തി തുടങ്ങിയിട്ടുണ്ട്.
മമ്മൂട്ടി ചിത്രത്തിൽ പള്ളീലച്ചനായാണ് എത്തുന്നത്. ചിത്രത്തിൻ്റെ ഫസ്റ്റ് ലുക്ക് പോസ്റ്ററും ഏറെ ശ്രദ്ധ ആകര്‍ഷിച്ചിരുന്നു. അടിമുടി ദുരൂഹത നിറഞ്ഞ പോസ്റ്ററായിരുന്നു അണിയറ പ്രവര്‍ത്തകര്‍ പുറത്ത് വിട്ടിരുന്നത്.
ജിസ് ജോയിയുടെ അസിസ്റ്റന്‍റായി പ്രവര്‍ത്തിച്ചിട്ടുള്ള വ്യക്തിയാണ് ജോഫിന്‍. ആന്‍റോ ജോസഫും ബി ഉണ്ണികൃഷ്ണനും ചേര്‍ന്നാണ് ചിത്രത്തിന്‍റെ നിര്‍മ്മാണം.പേരു സൂചിപ്പിക്കുന്നത് പോല ചിത്രത്തിൽ ടൈറ്റിൽ കഥാപാത്രമായ പുരോഹിതനായാണ് മമ്മൂട്ടി എത്തുന്നത്. നവാഗതനായ ജോഫിന്‍ ടി ചാക്കോയാണ് ചിത്രം സംവിധാനം ചെയ്യുന്നത്.ചിത്രത്തിന്‍റെ തിരക്കഥയൊരുക്കുന്നത് ദീപു പ്രദീപും ശ്യാം മേനോനുമാണ്. സിനിമയുടെ ചിത്രീകരണം പുരോഗമിക്കുകയാണ്. അഖില്‍ ജോര്‍ജാണ് ചിത്രത്തിൻ്റെ ഛായാഗ്രഹണം നിര്‍വ്വഹിക്കുന്നത്.
about mammootty and manju warrier