കഴിഞ്ഞ കുറച്ച് ദിവസങ്ങളായി വലിയ വേദനയിലാണെന്നും നഷ്ടം നികത്താനാകാത്തതാണെന്നും അനുപമ.വളർത്തു നായ്ക്കളായ റമ്മും ടോഡിയും വിട്ടുപോയതിന്റെ സങ്കടത്തിലാണ് നടി.
‘ജൂൺ എട്ടു മുതൽ ഇങ്ങനെയൊരു വിഡിയോ ചെയ്യണമെന്ന് ആഗ്രഹിക്കുന്നു. പക്ഷേ കഴിഞ്ഞില്ല. മനസ്സ് ആകെ തകർന്ന അവസ്ഥയിലാണ്. ആ വേദന പറഞ്ഞറിയിക്കാൻ വയ്യ. എനിക്ക് എന്റെ നായ്ക്കുട്ടികളെ രക്ഷിക്കാൻ കഴിഞ്ഞില്ല. ഈ അവസ്ഥ മറ്റൊരു വളർത്തു നായകൾക്കും വരരുത് എന്ന് ആഗ്രഹിക്കുന്നതുകൊണ്ടാണ് വിഡിയോ ചെയ്തതു തന്നെ.’
‘ഇപ്പോൾ വിസ്കി മാത്രമാണ് ഞങ്ങൾക്കൊപ്പമുളളത്. പാർവോവൈറസ് പിടിപെട്ട് റമ്മിനെയും ടോഡിയെയും നഷ്ടപ്പെട്ടു. കഴിഞ്ഞ വർഷം റോഡിൽ ഉപേക്ഷിക്കപ്പെട്ട നിലയില്‍ കണ്ടെത്തിയതാണ് ടോഡിയെ. ഈ വൈറസ് മനുഷ്യനെ ആക്രമിക്കില്ല. പക്ഷേ വാക്സിനേഷൻ എടുത്ത നായകളാണെങ്കിലും വൈറസ് പിടികൂടാം. റമ്മും ടോഡിയും അങ്ങനെയായിരുന്നു.’–അനുപമ പരമേശ്വരൻ പറഞ്ഞു.
about anupama parameswaran