എം80മൂസ യിലൂടെയാണ് വിനോദ് കോവൂരിനെ പ്രേക്ഷർക്കിടയിൽ സുപരിചിതനാക്കിയത്. ഇപ്പോൾ ഇതാ എം80മൂസ യെന്ന പരമ്പരയിലെ ജോലി യഥാര്‍ത്ഥ ജീവിതത്തില്‍ പ്രാവര്‍ത്തികമാക്കാനൊരുങ്ങുകയാണ് വിനോദ് കോവൂര്‍.
വിനോദിന്റെ നേതൃത്വത്തില്‍ ആരംഭിക്കുന്ന ഫിഷ് സ്റ്റാളിന്റെ പ്രവര്‍ത്തനം ഓണത്തോടനുബന്ധിച്ച് കോഴിക്കോട്ട് തുടങ്ങും. ബൈപാസില്‍ പാലാഴി ഹൈലൈറ്റ് മാളിനടുത്താണ് നവീന സംവിധാനങ്ങളോടു കൂടിയ കട തുറക്കുന്നത്. മൂസക്കായ്‌സ് സീ ഫ്രഷ് എന്നാണ് പേരിട്ടിരിക്കുന്നത്. ചാലിയത്തു നിന്നുള്ള സുഹൃത്തുക്കളടക്കം അഞ്ചുപേരാണ് ഒപ്പമുള്ളത്. കടല്‍മത്സ്യത്തിനു പുറമേ പുഴമീനും ഇവിടെ ലഭ്യമാകും. വൃത്തിയാക്കിയ മത്സ്യം മസാല പുരട്ടി റെഡി ടു കുക്ക് രീതിയില്‍ വീട്ടിലെത്തിച്ചു നല്‍കുന്ന പദ്ധതിയും പരിഗണനയിലുണ്ട്.
അമ്പതോളം സിനിമകളിലും നിരവധി സീരിയലുകളിലും ശ്രദ്ധേയ വേഷങ്ങള്‍ കൈകാര്യം ചെയ്ത കലാകാരനാണ് വിനോദ് കോവൂര്‍. കൊവിഡ് കാലത്ത് ഇദ്ദേഹം സംവിധാനം ചെയ്ത ഹ്രസ്വചിത്രങ്ങള്‍ ഏറെ ശ്രദ്ധിക്കപ്പെട്ടിരുന്നു.