വിജയ് സേതുപതി എപ്പോളും വാർത്തകളിൽ നിറയുന്നത് ആരാധകരോടുള്ള പെരുമാറ്റത്തിന്റെ പേരിലാണ്. ഉമ്മ കൊടുത്തും കെട്ടിപ്പിടിച്ചും താരം ആരാധകരോടുള്ള സ്നേഹം പ്രകടിപ്പിക്കാറുണ്ട്. എന്നാൽ ഇപ്പോൾ വിജയ് സേതുപതി ആരാധകരോട് പൊട്ടിത്തെറിച്ചിരിക്കുകയാണ്.
കുറച്ച് ദിവസങ്ങൾക്ക് മുൻപാണ് വിജയ് സേതുപതിയുടെ പുതിയ ചിത്രമായ തുഗ്ലക്ക് ദർബാർ പൂജ നടന്നത്. നടി അതിഥി റാവുവും , ഗായത്രിയുമൊക്കെ പങ്കെടുത്ത ചടങ്ങ് ആയിരുന്നു.
ദളപതി വിജയുടെ കല്യാണം നടന്ന വടപളനിയിലുള്ള ഹാളിലായിരുന്നു പൂജ നടന്നത്. വളരെ തിരക്കേറിയ സ്ഥലമാണ് ഇത്. വിജയ് സേതുപതി എത്തിയതോടെ ആരാധകർ പടക്കം പൊട്ടിച്ചും മറ്റും ആഘോഷമാക്കി. എന്നാൽ ഇത് വിജയ് സേതുപതിയെ രോഷാകുലനാക്കി. ഇത്രയും ആളുകൾ ഉള്ള , തിരക്കുള്ള സ്ഥലത്ത് പൊതുജനങ്ങൾക്ക് ബുദ്ധിമുട്ടുണ്ടാക്കരുത് എന്ന് തന്നെ ശക്തമായി വിജയ് തന്റെ ആരാധകരോട് പറഞ്ഞു.
vijay sethupathi shows anger towards fans