മാസ്സ് ആക്ഷൻ ഡയലോഗുകളുമായി വിജയ് മിൽട്ടന്റെ തിരിച്ചു വരവ് – ഗോലി സോഡാ 2 കേരളത്തിൽ റിലീസിനൊരുങ്ങുന്നു !!!
നിരൂപക പ്രശംസ പിടിച്ചു വാങ്ങിയ ഗോലി സോഡായുടെ വിജയത്തിന് നാല് വര്ഷങ്ങള്ക്കു ശേഷം രണ്ടാം ഭാഗവുമായി സംവിധായകൻ വിജയ് മിൽട്ടൺ എത്തിയിരിക്കുകയാണ്. ഒന്നാം വരവിന്റെ വിജയമ രണ്ടാം വരവിലും ആവർത്തിച്ച് ചെന്നൈ കളക്ഷൻ റിപ്പോർട്ടിൽ ഗോലി സോഡാ 2 മുന്നിട്ട് നില്കുന്നു. മലയാളത്തിലും ചിത്രം റിലീസിന് ഒരുങ്ങുകയാണ്.
സ്വന്തം വ്യക്ത്വിത്വത്തെ കണ്ടെത്താനുള്ള നാല് യുവാക്കളുടെ കഥയാണ് ഗോലി സോഡാ 2 പറയുന്നത്. താഴെക്കിടയിലുള്ള സമൂഹത്തിൽ നിന്നും ഉയർന്നു വരാൻ പരിശ്രെമിക്കുന്ന യുവാക്കളും അവർ നേരിടുന്ന പ്രശനങ്ങളുമാണ് ഗോലി സോഡാ 2 കൈകാര്യം ചെയ്തിരിക്കുന്നത്. ഭരത് സീനി , വിനോദ് , ഇസാക്കി ഭരത് എന്നിവരാണ് ചിത്രത്തിൽ പ്രധാന വേഷം ചെയ്തിരിക്കുന്നത്.
മലയാള നടൻ ചെമ്പൻ വിനോദിന്റെ അതിഗംഭീരമായ വില്ലൻ വേഷം ഗോലി സോഡയിൽ ഉടനീളമുണ്ട്. ചെമ്പൻ വിനോദിന്റെ കന്നി തമിഴ് ചിത്രവുമാണിത്. സമുദ്രക്കനിയും ഒരു പോലീസ് കോൺസ്റ്റബിൾ വേഷത്തിൽ എത്തുന്നു. ഗൗതം മേനോന്റെ അതിഥി വേഷം അദ്ദേഹത്തെ മനസിൽ കണ്ടു തന്നേ എഴുതിയതാണെന്ന് വിജയ് മിൽട്ടൺ പറയുന്നു. രോഹിണി , രേഖ , സുഭിക്ഷ , സ്റ്റണ്ട് ശിവ എന്നിവരാണ് മറ്റു കഥാപാത്രങ്ങൾ .
vijay miltons Goli SOda 2