തെന്നിന്ത്യൻ പ്രേക്ഷകർക്കേറെ പ്രിയങ്കരിയാണ് വരലക്ഷ്മി ശരത്കുമാർ. സോഷ്യൽ മീഡിയയിൽ വളരെ സജീവമാണ് താരം. കഴിഞ്ഞ ദിവസമായിരുന്നു നടി വിവാഹിതയായത്. നിക്കോളായ് സച്ച്ദേവാണ് താരത്തിന്റെ വരൻ. വമ്പന‍്‍ പാർട്ടി തന്നെയായിരുന്നു ശരത്കുമാറും രാധികയും മകൾക്ക് വേണ്ടി ഒരുക്കിയിരുന്നത്.
രാഷ്ട്രീയ നേതാക്കളും സിനിമ പ്രവർത്തകരുമടക്കം നിരവധി പേരാണ് വിവാഹസത്ക്കാരത്തിൽ പങ്കെടുക്കാനെത്തിയത്. ചെന്നൈയിലെ ലീല പാലസിൽ വച്ചായിരുന്നു റിസപ്ഷൻ. ബ്രൗൺ നിറത്തിലെ ഡിസൈനർ ലെഹങ്കയായിരുന്നു വരലക്ഷ്മിയുടെ റിസപ്ഷൻ വേഷം. കല്ലുകൾ പതിപ്പിച്ച ആഭരണങ്ങളും താരം ധരിച്ചിരുന്നു.
തൃഷ, രജനികാന്ത്, കിച്ച സുദീപ്, നന്ദമൂരി ബാലകൃഷ്ണ, എംകെ സ്റ്റാലിൻ, എആർ റഹ്മാൻ, സുഹാസിനി, മണിരത്നം, രമ്യ കൃഷ്ണ, ലിസി, പ്രഭുദേവ തുടങ്ങി വൻ താരനിരയാണ് വിവാഹ റിസപ്ഷനിൽ പങ്കെടുത്തത്. മലയാളത്തിൽ നിന്ന് നടൻ സുരേഷ് ഗോപിയും പങ്കെടുത്തിരുന്നു. ഈ ചിത്രങ്ങൾ ഇപ്പോൾ സോഷ്യൽ മീഡിയയിൽ വൈറലാിരുന്നു.
വർഷങ്ങളോളം സുഹൃത്തുക്കളായതിന് ശേഷം അടുത്തിടെയാണ് പ്രണയത്തിലാകുന്നതെന്നും വരലക്ഷ്മി തുറന്നു പറഞ്ഞിരുന്നത്. തന്റെ കരിയറിനെ നന്നായി സപ്പോർട്ട് ചെയ്യുന്നയാളാണ് നിക്കോളായ് എന്ന് മുൻപ് ഒരഭിമുഖത്തിൽ വരലക്ഷ്മി പറഞ്ഞിരുന്നു. 14 വർഷം മുൻപാണ് തങ്ങൾ കണ്ടുമുട്ടിയതെന്നും അപ്പോൾ തന്നെ എന്തോ ഒരിഷ്ടം തങ്ങൾക്കിടയിൽ ഉണ്ടായിരുന്നുവെന്നും താരം പറഞ്ഞിരുന്നു.
അതേസമയം, കഴിഞ്ഞ ദിവസം പ്രധാന മന്ത്രി നരേന്ദ്ര മോഡിയെ നേരിട്ടെത്തി ഇവർ വിവാഹം ക്ഷണിച്ചിരുന്നു. വരലക്ഷ്മിയും ഭാവിവരൻ നിക്കോളായ് സച്ച്ദേവും. അച്ഛൻ ശരത്കുമാറും അമ്മ രാധിക ശരത്കുമാറുമാണ് മോദിയെ കാണാനെത്തിയത്.
ഈ വർഷം മാർച്ചിലായിരുന്നു വരലക്ഷ്മിയുടെ വിവാഹനിശ്ചയം. അടുത്ത ബന്ധുക്കളും സുഹൃത്തുക്കളും മാത്രമാണ് വിവാഹനിശ്ചയ ചടങ്ങിൽ പങ്കെടുത്തത്. ഇതിൻറെ ചിത്രങ്ങളെല്ലാം വൈറലായിരുന്നു.
നിക്കോളായ്‌യുടെ രണ്ടാം വിവാഹമാണിത്. അതിൻറെ പേരിൽ നിരവധി വിമർശനങ്ങളും വരലക്ഷ്മിയ്ക്ക് സോഷ്യൽ മീഡിയയിൽ നിന്ന് നേരിടേണ്ടതായി വന്നിരുന്നു, ധനുഷ് ചിത്രം രായൻ ആണ് വരലക്ഷ്മിയുടേതായി പുറത്തുവരാനുള്ള ചിത്രം. ഹനുമാൻ, ശബരി എന്നീ ചിത്രങ്ങളും വരലക്ഷ്മിയുടേതായി അണിയറയിൽ ഒരുങ്ങുന്നുണ്ട്.