സിനിമാ പ്രേക്ഷകര്‍ക്കേറെ സുപരിചിതനാണ് ഉദയനിധി സ്റ്റാലിന്‍. ഇപ്പോഴിതാ തന്റെ കുടുംബവുമായി ബന്ധപ്പെട്ട് പ്രചരിച്ച വിവാദത്തോട് പ്രതികരിച്ചിരിക്കുകയാണ് അദ്ദേഹം. അടുത്തിടെയാണ് ഉദയനിധിയുടെ മകന്‍ ഇന്‍പനിധിയുടെയും ഗേള്‍ ഫ്രണ്ടിന്റെയും ചില ചിത്രങ്ങള്‍ സോഷ്യല്‍ മീഡിയയില്‍ വൈറലായത്.
ഈ സ്വകാര്യ ചിത്രങ്ങള്‍ വൈറലായതോടെ താരത്തിന് എതിരെ വിമര്‍ശനങ്ങളും ഉയര്‍ന്നു. ഈ വിഷയത്തിലാണ് ഉദയനിധി സ്റ്റാലിന്‍ ഇപ്പോള്‍ പ്രതികരിച്ചിരിക്കുന്നത്. അത് മകന്റെ വ്യക്തിപരമായ കാര്യമാണ്. ഒരു പരിധിക്കപ്പുറം തനിക്ക് മകന്റെ വ്യക്തിപരമായ കാര്യത്തില്‍ ഇടപെടാനാകില്ല എന്നാണ് ഉദയനിധി പറയുന്നത്.
എന്തായാലും ഗോസിപ്പ് കോളങ്ങളില്‍ നിറഞ്ഞ ഇത്തരം ഒരു വാര്‍ത്തയ്ക്ക് ഉദയനിധി ഒരു നല്ല പിതാവിനെ പോലെ പ്രതികരിച്ചു എന്നാണ് സോഷ്യല്‍ മീഡിയയിലെ പ്രതികരണം. എന്നാല്‍ ഈ ചിത്രങ്ങള്‍ തമിഴ്‌നാട്ടിലെ പ്രതിപക്ഷ കക്ഷികള്‍ സോഷ്യല്‍ മീഡിയയില്‍ വിഷയമാക്കുന്നുണ്ട്.
എന്നാല്‍ സദാചാര വാദമാണ് നടത്തുന്നത് എന്ന് പറഞ്ഞാണ് ഡിഎംകെ അണികള്‍ ഇതിനെ നേരിടുന്നത്. മന്ത്രിയാകും വരെ സജീവമായി സിനിമ രംഗത്ത് ഉണ്ടായിരുന്ന വ്യക്തിയാണ് ഉദയനിധി. സിനിമ അഭിനയം പൂര്‍ണ്ണമായും നിര്‍ത്തുകയാണെന്ന് മന്ത്രിയായ ശേഷം താരം പ്രതികരിച്ചിരുന്നു.
മാരി സെല്‍വരാജ് സംവിധാനം ചെയ്യുന്ന ‘മാമന്നന്‍’ തന്റെ അവസാന ചിത്രമായിരിക്കുമെന്നും കമല്‍ഹാസന്‍ തന്റെ ചിത്രത്തില്‍ അഭിനയിക്കാന്‍ നല്‍കിയ ഒരു ഓഫര്‍ താന്‍ നിരസിച്ചുവെന്നും ഉദയനിധി സ്റ്റാലിന്‍ തുറന്നു പറഞ്ഞിരുന്നു.കഴിഞ്ഞ രണ്ടുവര്‍ഷമായി ഡി.എം.കെയുടെ പ്രവര്‍ത്തനങ്ങളിലും തിരഞ്ഞെടുപ്പ് പ്രചാരണങ്ങളിലും ഉദയനിധി സജീവമായിരുന്നു.