ബിഗ് ബോസ് മലയാളം സീസണ്‍ 4 ആറ് ആഴ്ചകള്‍ പിന്നിട്ടിരിക്കുകയാണ്. സംഭവബഹുലമായ നിമിഷങ്ങങ്ങളാണ് ഓരോ എപ്പിസോഡുകളിലുമുള്ളത്. 17 പേരുമായി ആരംഭിച്ച ഷോയില്‍ ഇപ്പോള്‍ 12 മത്സരാര്‍ത്ഥികളാണുള്ളത്. 100 ദിവസം ഹൗസില്‍ നില്‍ക്കണമെന്നാണ് എല്ലാവരുടേയും. ഇതിനായി മികച്ച പ്രകടനമാണ് ഹൗസില്‍ കാഴ്ച വയ്ക്കുന്നത്.
ഇത്തവണത്തെ സീസണിൽ ഏറ്റവും അധികം ഉയര്‍ന്ന് വന്ന ആരോപണമാണ് ഷോയില്‍ ഉപയോഗിയ്ക്കുന്ന വാക്കുകളും, അശ്ലീല സംഭാഷണങ്ങളും പദപ്രയോഗങ്ങളും. അത് കുടുംബ പ്രേക്ഷകരെ ഷോയില്‍ നിന്നും അകറ്റി നിര്‍ത്തുന്നു. ഇപ്പോഴിതാ ബിഗ്ഗ് ബോസ് ഷോയെ കുറിച്ചും അതിലെ മത്സരാര്‍ത്ഥികളെ കുറിച്ചും വിശദമായ വിലയിരുത്തലുമായി എത്തിയിരിയ്ക്കുകയാണ് നടന്‍ മനോജ്. ജാസ്മിനെ ഈ ആഴ്ച തന്നെ പുറത്താക്കണം എന്നാണ് മനോജ് പറയുന്നത്.
ബിഗ്ഗ് ബോസിലെ മൂന്ന് ശക്തരായ മത്സരാര്‍ത്ഥകളാണ് ജാസ്മിന് മൂസ, നിമിഷ, ഡെയ്‌സി ഡേവിഡ്. വളരെ ഗംഭീരമായ മത്സരാര്‍ത്ഥിയായിരിയ്ക്കും എന്ന് നമ്മള്‍ കരുതിയ ഡെയ്‌സി കഴിഞ്ഞ എവിക്ഷനില്‍ അടര്‍ന്ന് വീണു. അതിന് കാരണം അവരുടെ നാവ് ആണ്. ആ നാവില്‍ നിന്ന് വന്ന ചില വാക്കുകളാണ് ഡെയ്‌സിയ്ക്ക് വിനയായതും പ്രേക്ഷകര്‍ പിന്തുണ കുറച്ചതും. ഡെയ്‌സി നല്ലൊരു കണ്ടന്റ് മേക്കറും മത്സരാര്‍ത്ഥിയും ആയിരുന്നു. പക്ഷെ വായില്‍ നിന്ന് വന്ന വാക്ക് നിയന്ത്രിക്കാനായില്ല. ആരുടെയും അച്ഛനെയും അമ്മയെയും അമ്മൂമ്മയെയും വരെ പറയാം എന്നായി.
ബിഗ്ഗ് ബോസിന് കരിങ്കൊടി കാണിക്കുന്നതിന്റെ ഭാഗമായിട്ടാണ് ഞാന്‍ കറുപ്പ് വേഷം ധരിച്ച് വന്നത്. വളരെ മോശം ഭാഷ ഉപയോഗിച്ചു കൊണ്ടിരിയ്ക്കുന്ന ഒരാളെ വിട്ടി വിട്ട് വിട്ട്, അയാളിപ്പോള്‍ വേറെ ലെവലിലേക്ക് മാറി. തെറി വിളിക്കാനുള്ള ലൈസന്‍സ് കൊടുത്തിരിയ്ക്കുകയാണ് ഇപ്പോള്‍. ഇംഗ്ലീഷില്‍ തെറി പറഞ്ഞാല്‍ ഒരു കുഴപ്പവും ഇല്ല എന്നാണോ. ജാസ്മിന് ബിഗ്ഗ് ബോസ് തെറി വിളിക്കാനുള്ള പ്രത്യേക അധികാരം കൊടുത്തിരിയ്ക്കുകയാണോ. പരിഥികള്‍ എല്ലാം ലംഘിച്ചു കൊണ്ട് ആണ് ഇപ്പോള്‍ ജാസ്മിന് തെറിയുടെ ഘോഷയാത്ര നടത്തുന്നത്.
ജാസ്മിന് മൂസ എന്ന മത്സരാര്‍ത്ഥി ബിഗ്ഗ് ബോസില്‍ വരുന്നു എന്ന് കേട്ടപ്പോല്‍ അത് ആരായിരുന്നു എന്ന് എനിക്ക് അറിയില്ലായിരുന്നു. പിന്നീട് അവരെ കുറിച്ചുള്ള ചരിത്രം അന്വേഷിച്ചപ്പോള്‍ അഭിമാനം തോന്നി. ഇതു പോലൊരു മഹിളാരത്‌നം വരണം, പുരുഷന്മാരുടെ അത്രയും പീഡനങ്ങള്‍ സഹിച്ചിട്ടും ആത്മഹത്യ ചെയ്യാതെ കരഞ്ഞ് ഇരിക്കാതെ ജീവിച്ചു കാണിക്കുന്ന പവര്‍ ഫുള്‍ ലേഡിയായി വന്നു. അതൊരു കനലും അഗ്നിയുമാണ്. ബിഗ്ഗ് ബോസില്‍ ആവശ്യമാണ്. തുടക്കത്തില്‍ എനിക്ക് ജാസ്മിന് എന്ന മത്സരാര്‍ത്ഥിയെ വളരെ ഇഷ്ടപ്പെട്ടു.
എന്നാല്‍ എന്റെ കാഴ്ചപ്പാടുകളെ എല്ലാം തെറ്റിച്ചു കൊണ്ടുള്ള തെറി വിളികളാണ് ജാസ്മിന്റെ വായില്‍ നിന്നും വന്നത്. ഇഷ്ടപ്പെട്ട ഒരു മത്സരാര്‍ത്ഥിയെ ഇപ്പോള്‍ തള്ളി പറയേണ്ട അവസ്ഥയിലാണ് ഞാന്‍. മറ്റൊന്നും അല്ല, ഇതൊരു കുടുംബ പ്രേക്ഷകര്‍ കാണുന്ന ഷോ ആണ്. അതും 24 ഇന്റു 7 കാണിക്കുന്നു. ദയവ് ചെയ്ത് അത് എടുത്ത് കളയണം എന്നാണ് എന്റെ അഭ്യര്‍ത്ഥന. ഇത് എല്ലാം ജനങ്ങള്‍ക്ക് ഭയങ്കര ഇറിട്ടേഷന്‍ ആണ് നല്‍കുന്നത്. ആണായാലും പെണ്ണായാലും കേട്ടാല്‍ അറക്കുന്ന ഇത്തരം വാക്കുകള്‍ വായില്‍ നിന്ന് വരുന്നത് സഹിക്കാന്‍ കഴിയില്ല.
അതിനിടയില്‍ എനിക്ക് ഒരുപാട് ഇഷ്ടപ്പെട്ട മത്സരാര്‍ത്ഥിയാണ് അപര്‍ണ മള്‍ബറി. ജാസ്മിന്റെ കരണക്കുറ്റി നോക്കി ഒന്ന് കൊടുത്തു. കെട്ടിപ്പിടിച്ച് ചുണ്ടത്ത് ഉമ്മ വയ്ക്കാന്‍ പോയതാണ്. വിദേശികള്‍ക്ക് ഇതൊന്നും അത്ര വലിയ പ്രശ്‌നമുള്ള കാര്യമല്ല, പക്ഷെ അപര്‍ണ കേരളീയ സംസ്‌കാരം മുറുകെ പിടിയ്ക്കുന്ന വ്യക്തിത്വത്തിന് ഉടമയാണ്. പക്ഷെ ഇതൊന്നും ജാസ്മിന് വിഷയമല്ല. അതിനിടയില്‍ റോബിനെ കെട്ടിപ്പിടിച്ച് ഒരു ദൃതരാഷ്ട്രലിംഗനം കൂടെ നടത്തി.
ജാസ്മിന്റെ വായില്‍ നിന്നും വരുന്ന മഹാ വൃത്തികെട്ട വാക്കുകളും കാമ ചേഷ്ടകളും ആണ് പൊറുക്കാനും സഹിക്കാനും കഴിയാത്തത്. ഇത്തരം കൂത്തുകള്‍ പ്രേക്ഷകര്‍ കണ്ടുകൊണ്ട് ഇരിക്കണോ. ഈ ആഴ്ച ജാസ്മിനെ പുറത്താക്കണം എന്നാണ് എനിക്ക് പറയാനുള്ളത്. പൊന്നിന്‍ സൂചി ആണെങ്കിലും കണ്ണില്‍ തൊട്ടാല്‍ മുറിയും. പ്രേക്ഷകരോട് കമ്മിറ്റ്‌മെന്റ്‌സ് ഉള്ള ഷോ ആണെങ്കില്‍ ജാസ്മിനെ എടുത്ത് കളഞ്ഞേക്കണം.
പിന്നെ എനിക്ക് പരിചയം ഉള്ള കുറേ സീരിയല്‍ താരങ്ങളുണ്ട്. റോണ്സണ്, നവീന്‍, ലക്ഷ്മിപ്രിയ, സുചിത്ര, സൂരജ്, അഖില്‍, ധ്യന്യ. ഇവര്‍ ജയിക്കണം എന്നാണ് ഞാന്‍ സ്വാഭാവികമായി ആഗ്രഹിയ്ക്കുന്നത്. പക്ഷെ സത്യസന്ധമായി പറഞ്ഞാല്‍ അവരൊക്കെ എന്താണ് അവിടെ കാണിച്ചു കൊണ്ടിരിയ്ക്കുന്നത്. ലക്ഷ്മിപ്രിയ നല്ല സ്‌ട്രോങ് കണ്ടസ്റ്റന്റ് ആണ്, ഒരൊറ്റ പ്രശ്‌നമേ ഉള്ളൂ എല്ലായിടത്തും കയറി ഞാനാണ് വലിയ ആള്‍ എന്ന് കാണിക്കുന്നു. കുറച്ച് അധികം ഓവറാണ്. റോണ്സണ് എങ്ങനെയെങ്കിലും പോയാല്‍ മതി എന്ന ചിന്തയാണ്. അഖിലും റോബിനും അന്ന് നടത്തിയ ഫൈറ്റും ശരിക്കും അനാവശ്യമാണ്. അത്രയും വലിയ ടാസ്‌ക് നടക്കുമ്പോള്‍ പരിക്ക് പറ്റുന്നത് ഒക്കെ സ്വാഭാവികം ആണ്, അതിന് കാട്ടി കൂട്ടിയ പ്രഹസനം വെറുപ്പിക്കല്‍ ആയിപ്പോയി.
ദില്‍ഷയ്ക്ക് ശരിയ്ക്കും റോബിനോട് പ്രണയം ഉണ്ട്. റോബിന് ദില്‍ഷയോടും. പ്രണയിച്ചവര്‍ക്ക് അത് മനസ്സിലാക്കാന്‍ സാധിയ്ക്കും. കണ്ണുകള്‍ക്ക് അത് മറച്ചു വയ്ക്കാന്‍ സാധിയ്ക്കില്ല. പക്ഷെ ദില്‍ഷയ്ക്ക് ഇതൊരു ഗെയിം ആയത് കൊണ്ട് പ്രണയത്തിന്റെ ഒഴുക്കില്‍ വീഴാന്‍ താത്പര്യമില്ല. എന്നാല്‍ അത് മനസ്സില്‍ സൂക്ഷിക്കുന്നുണ്ട്. പക്ഷെ ബ്ലെസ്ലി പ്രണയ നാടകം കളിക്കാന്‍ നോക്കിയതാണ്. അത് തിരച്ചറിയാനും ദില്‍ഷയ്ക്ക് സാധിച്ചു. എന്റെ മനസ്സിന് തോന്നുന്നത്, ദില്‍ഷ – റോബിന് പ്രണയം റിയല്‍ ആണ് എന്നാണ്- മനോജ് പറയുന്നത്