ടൊവിനോയും മോഹൻലാലും ഉള്‍പ്പെടെയുള്ള ചില സിനിമാ താരങ്ങൾ കന്നി വോട്ട് ചെയ്തെന്ന് കാണിച്ച് ഫേസ്ബുക്കിൽ കുറിപ്പിട്ട മുൻ എം.പി ഡോ. സെബാസ്റ്റ്യൻ പോളിന്റെ പരാമർശത്തിനെതിരെ നടൻ ടൊവീനോ രംഗത്ത്. താൻ ചെയ്തത് കന്നി വോട്ടല്ലെന്നും തന്‍റെ പോളിങ് സ്റ്റേഷനിൽ നിന്നും ആദ്യം വോട്ട് ചെയ്ത ആളാണ് താനാണ് എന്നുകാണിച്ചാണ് ചിത്രം പങ്കുവെച്ചിരുന്നതെന്നും സെബാസ്റ്റ്യൻ പോളിന്റെ ഫേസ്ബുക്ക് പോസ്റ്റിന് താഴെ വന്ന് ടൊവിനോ മറുപടി നൽകിയിരിക്കുകയാണ്.
ടൊവീനോയുടെ കമന്‍റ് വായിക്കാം:
അങ്ങയോടുള്ള ബഹുമാനം നിലനിർത്തിക്കൊണ്ടു പറയട്ടെ , ഇങ്ങനെ മണ്ടത്തരം പറഞ്ഞു തെറ്റിദ്ധാരണ പരത്തരുത് . ഇത്തവണ ഞാൻ ചെയ്തത് എന്റെ കന്നി വോട്ട് അല്ല . Was the first one to vote from my polling station എന്ന് ഞാൻ എഴുതിയതിന്റെ അർത്ഥം എന്റെ പോളിംഗ് സ്റ്റേഷനിൽ ഇന്ന് ആദ്യം വോട്ട് ചെയ്തത് ഞാൻ ആണ് എന്ന അർത്ഥത്തിലാണ്. അതിന്റെ അർത്ഥം അങ്ങനെ തന്നെ ആണെന്ന് ഇപ്പോഴും ഞാൻ വിശ്വസിക്കുന്നു. അങ്ങയെപ്പോലെ ഇത്രയും വിവരവും വിദ്യാഭ്യാസവും ഉള്ള ഒരാൾ കാര്യങ്ങൾ ശരിയായി മനസ്സിലാക്കാതെ ഇങ്ങനെ ഇവിടെ കുറിക്കുന്നത് അങ്ങേക്ക് തന്നെ അപഹാസ്യമാണ്. പിന്നെ എനിക്ക് പ്രായപൂർത്തി ആയതിന് ശേഷമുള്ള എല്ലാ തിരഞ്ഞെടുപ്പിനും ഞാൻ എവിടെയാണെങ്കിലും അവിടുന്ന് എന്റെ നാടായ ഇരിങ്ങാലക്കുടയിൽ വന്ന് എന്റെ വോട്ട് രേഖപ്പെടുത്താറുണ്ട്. ആവശ്യമെങ്കിൽ സാറിനു അന്വേഷിക്കാൻ വഴികൾ ഉണ്ടല്ലോ. അന്വേഷിച്ചു ബോധ്യപ്പെടൂ. നന്ദി.
Tovino gives reply to Sebastian Paul…