ബിഗ് ബോസിൽ വരുന്നവർ ഏറ്റവും കൂടുതൽ പ്രയോഗിക്കാറുള്ള ലവ് സ്ട്രാറ്റജിയാണ് സീസൺ ആറിൽ ഗബ്രിയും ജാസ്മിനും ഉപയോഗിച്ചത്. രണ്ട് സുഹൃത്തുക്കൾ പെരുമാറുന്നത് പോലെയല്ല ഇരുവരും പെരുമാറിയിരുന്നത്. സീസൺ 6 ൽ ഏറ്റവും കൂടുതൽ ശ്രദ്ധിക്കപ്പെട്ടതും ഒപ്പം വിമർശിക്കപ്പെതുമായ കോമ്പോയാണ് ജാസ്മിൻ ജാഫറും ഗബ്രിയും.
ബിഗ്‌ബോസിനകത്ത് ആയിരുന്നപ്പോഴും ജാസ്മിന്റെ വ്യക്തി ജീവിതമായിരുന്നു പുറത്ത് വാർത്തകളിൽ നിറഞ്ഞിരുന്നത്. ഇപ്പോഴും ഇത് തന്നെയാണ് സോഷ്യൽ മീഡിയയിലെ ചർച്ച. വിവാദങ്ങൾക്ക് യാതൊരു കുറവും ഇല്ല.
എന്നാൽ ബിഗ് ബോസിന് പുറത്തിറങ്ങിയാൽ ഇരുവരും തമ്മിലുള്ള ഈ സൗഹൃദം അവസാനിക്കുമെന്ന് പലരും പറഞ്ഞിരുന്നു. പക്ഷേ പുറത്തിറങ്ങിയ ശേഷവും ജാസ്മിനും ഗബ്രിയും തങ്ങളുടെ സൗഹൃദം തുടരുകയാണ്. ഷോ കഴിഞ്ഞിറങ്ങിയ ഇരുവർക്കും കൈനിറയെ ഉത്‌ഘാടനവും പരിപാടികളും ഒക്കെയാണ്.
തന്റെ ആഗ്രഹങ്ങൾ ഓരോന്നും നേടിയെടുക്കുന്ന ജാസ്മിൻ ഈ സന്തോഷങ്ങളെല്ലാം ആരാധകരിമായി പങ്കുവെച്ചിരുന്നു. ഇപ്പോഴിതാ തന്റെ ജീവിതത്തിലെ മറ്റൊരു പുതിയ സന്തോഷം കൂടി ആരാധകരെ അറിയിക്കുകയാണ് ജാസ്മിൻ. ഐഫോണിന്റെ ഏറ്റവും പുതിയ മോഡലായ ഐ ഫോൺ 16 പ്രോ സ്വന്തമാക്കിയ വിവരമാണ് ജാസ്മിൻ പങ്കുവെച്ചത്.
ഗബ്രിക്കൊപ്പം തന്നെ പുതിയ ഐഫോൺ വാങ്ങാൻ പോകുന്ന വീഡിയോയും ജാസ്മിൻ തന്റെ യുട്യൂബിൽ പങ്കുവെച്ചു. വളരെ കാലത്തെ ആഗ്രഹമാണ് പുതിയൊരു ഫോൺ എന്ന് വീഡിയോയിൽ ജാസ്മിൻ പറയുന്നുണ്ട്. 1.20 ലക്ഷത്തിനടുത്താണ് ഐ ഫോൺ പ്രോമാക്സിന്റെ വില. 1 ടിബിയാണ് ജാസ്മിൻ സ്വന്തമാക്കിയിരിക്കുന്നത്.
നിരവധി പേരാണ് വീഡിയോയ്ക്ക് താഴെ ജാസ്മിന് ആശംസ അറിയിച്ച് എത്തിയിരിക്കുന്നത്. ഫോൺ വാങ്ങിയത് ആശംസിക്കുന്നതിനെക്കാൾ കൂടൂതൽ കമന്റുകൾ ഗബ്രി-ജാസ്മിൻ കോമ്പോയെ കുറിച്ചാണ്. എന്ത് രസമാണ് ഈ കൂട്ടുകെട്ട് കണ്ടോണ്ടിരിക്കാൻ എന്നാണ് പലരും കുറിച്ചിരിക്കുന്നത്.
ഇത്രയും സൗഹൃദം ആയ സ്ഥിതിക്ക് എന്തുകൊണ്ട് രണ്ട് പേർക്കും വിവാഹം കഴിച്ചൂട എന്ന ചോദ്യവും പലരും ഉയർത്തുന്നുണ്ട്. മറ്റുള്ളവർക്ക് അസൂയ തോന്നിക്കാൻ പറ്റും വിധത്തിൽ ജീവിക്കുന്നത് ഒരു ഭാഗ്യമാണെന്നായിരുന്നു വേറൊരു കമന്റ്.
സോഷ്യൽ മീഡിയ ഇൻഫ്ലുവൻസർ എന്ന നിലയിലാണ് ജാസ്മിൻ ജാഫറിനെ സോഷ്യൽ മീഡിയയ്ക്ക് പരിചയം. കൊറോണകാലത്ത് ബ്യൂട്ടി വ്ലോഗ് ചെയ്താണ് ജാസ്മിൻ ആരാധകരെ സമ്പാദിച്ചത്. വളരെ പെട്ടെന്ന് തന്നെ യുട്യൂബിൽ വൺ മില്യൺ സബ്സ്ക്രൈബേഴ്സിനെ നേടാൻ ജാസ്മിന് സാധിച്ചിരുന്നു. പിന്നീടാണ് ജാസ്മിൻ ബിഗ് ബോസ് മലയാളം സീസൺ 6 ൽ എത്തുന്നത്.
അതേസമയം ജാസ്മിനൊപ്പമുള്ള പുതിയൊരു വീഡിയോ ഗബ്രി പങ്കുവെച്ചതും ഏറെ വൈറലായിരുന്നു. കഴിഞ്ഞ കുറച്ചുകാലമായി കൊറിയര്‍ ഓഫീസുകളില്‍ നിന്നുള്ള ഫോണ്‍ വിളിയിലൂടെയാണ് താന്‍ ഉണര്‍ന്നു എഴുന്നേല്‍ക്കാറുള്ളത്. മിക്കവാറും ദിവസങ്ങളില്‍ രാവിലെ ചേട്ടാ ഒരു പാഴ്‌സല്‍ ഉണ്ട് എന്ന് പറഞ്ഞ് കോള്‍ വരും.
എന്നെയും ജാസ്മിയും സ്‌നേഹിക്കുന്ന കുറേ ആളുകള്‍ അയക്കുന്ന സ്‌നേഹ സമ്മാനങ്ങള്‍ ആണ് ഇതൊക്കെ. എങ്ങനെയോ എന്റെ അഡ്രസ്സ് ലീക്ക് ആയിട്ടുണ്ട്. അതിനുശേഷം മുതല്‍ ഇതുപോലുള്ള സമ്മാനങ്ങള്‍ നിരന്തരം വന്ന് കൊണ്ടിരിക്കുകയാണ്. അതില്‍ സന്തോഷമേയുള്ളൂ എന്ന് പറഞ്ഞ ഗബ്രി ഇനിയധികം സമ്മാനങ്ങള്‍ അയക്കേണ്ടതില്ലെന്നും കൂട്ടിച്ചേര്‍ത്തു.
ജാസ്മിനും ഗബ്രിയ്ക്കും ഒരേ രീതിയിലുള്ള വസ്ത്രങ്ങളും മറ്റ് സമ്മാനങ്ങളുമാണ് കുറെ ആളുകള്‍ അയച്ചിരിക്കുന്നത്. അതില്‍ ഏറ്റവും പ്രധാനപ്പെട്ട സമ്മാനമായി ഇരുവരും തിരഞ്ഞെടുത്തത് ഒരു ആല്‍ബമാണ്. ബിഗ് ബോസിലേക്ക് ഗബ്രിയും ജാസ്മിനും പ്രവേശിച്ചത് മുതല്‍ ഇരുവരുടെയും ഒരുമിച്ചുള്ള യാത്രകളെ ഫോട്ടോ സഹിതം കോര്‍ത്തിണക്കി ഒരു ആല്‍ബമാണ് ആരാധകര്‍ അയച്ചത്.
എല്ലാ കാലത്തും ഇതൊരു നല്ല ഓര്‍മ്മയായി സൂക്ഷിക്കാന്‍ പറ്റുമെന്നാണ് താരങ്ങളും പറയുന്നത്. ‘ബിഗ് ബോസിന്റെ ചരിത്രത്തില്‍ ഇതിന് മുന്‍പ് ഇത്രയധികം എഫേര്‍ട്ട് എടുത്തിട്ടുള്ള സമ്മാനം ആര്‍ക്കും കിട്ടിയിട്ടുണ്ടാവില്ല. അതും ഒരേ രീതിയില്‍ രണ്ട് പേര്‍ക്കും ഒരുമിച്ചാണ് തന്നിരിക്കുന്നത്. ഇത് ഞങ്ങള്‍ക്ക് വളരെ സ്‌പെഷ്യലാണ്. ഞാനിതെന്നും സൂക്ഷിച്ച് വെക്കുമെന്ന്’ ഗബ്രി പറയുന്നു.
എന്നാല്‍ ഈ സമ്മാനം കണ്ടതോടെ ജാസ്മിന് കരച്ചിലടക്കാന്‍ സാധിച്ചില്ല. പലപ്പോഴായി വീഡിയോയുടെ മുന്നില്‍ നിന്നും എഴുന്നേറ്റ് പോവാന്‍ ശ്രമിച്ചെങ്കിലും ഗബ്രി പിടിച്ചിരുത്തുകയായിരുന്നു. ഈ കരച്ചില്‍ സങ്കടം കൊണ്ട് വന്നതല്ല, അത് സന്തോഷം കൊണ്ടാണെന്നും ഗബ്രി കൂട്ടിച്ചേര്‍ത്തു. അതേ സമയം ഗബ്രിയ്ക്കും ജാസ്മിനും ആശംസകള്‍ അറിയിച്ച് കൊണ്ടാണ് ആരാധകരും എത്തിയിരിക്കുന്നത്.
ഗബ്രി ഒരും ജെം ആണെന്നാണ് ആരാധകന്റെ അഭിപ്രായം. ‘ബിഗ് ബോസില്‍ ഇത്രയും നെഗറ്റീവ് നേരിട്ടിട്ടും ഇന്നും ബിഗ് ബോസില്‍ ഏറ്റവും കൂടുതല്‍ ആള്‍ക്കാര്‍ ഫാന്‍സ് ആയിട്ട് ഉള്ള ബ്രാന്‍ഡ്. ഇത് ഗബ്രി എന്നൊരു വ്യക്തിയുടെ ബുദ്ധിപരമായ പ്ലാന്‍ തന്നെയാണ്. രാമന് സീത എന്ന പോലെ ചേരേണ്ടവര്‍ തമ്മിലേ ചേരു എന്ന് പറയുന്നത് ഇതാണ്.
ഗബ്രിയോട് ഒരു അപേക്ഷയുണ്ട്. അവളെ വിഷമിപ്പിക്കരുതേ, അവള്‍ സ്‌നേഹിച്ചവരെല്ലാം അവളെ വേദനിപ്പിച്ചിട്ടേയുള്ളൂ… വിട്ടു കളയരുത്.. ഇപ്പോള്‍ നിങ്ങള്‍ക്ക് മനസ്സിലായില്ലേ ഒരുപാട് പേര് നിങ്ങളെ സ്‌നേഹിക്കുന്നു എന്ന്. ജീവിതം മുഴുവന്‍ രണ്ടാള്‍ക്കും ചേര്‍ന്ന് നില്‍ക്കാന്‍ ഉളള ദൈവാനുഗ്രഹം ഉണ്ടാകട്ടെ… എന്നിങ്ങനെ നിരവധി കമന്റുകളാണ് താരങ്ങള്‍ക്ക് ലഭിച്ചിരിക്കുന്നത്.