ന്യുമോണിയ ബാധിച്ച് ചികിത്സയിലായിരുന്ന പ്രശസ്ത തായ്വാൻ നടി ബാർബി ഹ്സു(48) അന്തരിച്ചു. ദക്ഷിണ കൊറിയൻ ഗായകനും ഡിജെയുമായ കൂ ജങ് യുപ് ആണ് ബാർബിയുടെ ഭർത്താവ്. ജപ്പാനിൽ അവധിയാഘോഷത്തിനിടെയാണ് ഇവർക്ക് ന്യുമോണിയ പിടിപെട്ടത്. തുടർന്ന് വളരെപ്പെട്ടെന്ന് തന്നെ ആരോഗ്യവില ഗുരുതരമാകുകയായിരുന്നു.
ഇതിന്റെ ചികിത്സയിൽ കഴിയവെയാണ് ആരോഗ്യ നില കൂടുതൽ വഷളാകുന്നതും മരണം സംഭവിക്കുന്നതും. നടിയുടെ സഹോദരിയും ഭർത്താവും വിയോഗ വാർത്ത സ്ഥിരീകരിച്ചിട്ടുണ്ട്.
നമ്മുടെ കുംടുംബം അവധിയാഘോഷിക്കുന്നതിനായി ജപ്പാനിൽ എത്തിയിരുന്നു. എന്റെ പ്രിയപ്പെട്ട സഹോദരി, അവൾ പകർച്ചപനിയ്‌ക്ക് പിന്നാലെ ബാധിച്ച ന്യുമോണിയെ തുടർന്ന് ഞങ്ങളെ വിട്ടുപോയി എന്നാണ് ബാർബിയുടെ സഹോദരി ദീ ഹ്സു പറഞ്ഞത്.
2022-ലാണ് ബാർബി ഹ്സു ഡി.ജെ കൂ ജങ് യുപിനെ വിവാഹം കഴിക്കുന്നത്. 1998ൽ ഇരുവരും പ്രണയത്തിലായിരുന്നെങ്കിലും വിവിധ കാരണങ്ങളാൽ വേർപിരിഞ്ഞു. പിന്നീട് നടി ചൈനീസ് വ്യവസായിയെ വിവാഹം ചെയ്തു.
11 വർഷത്തിന് ശേഷം ഈ ബന്ധം വിവാഹമോചനത്തിൽ എത്തുകയായിരുന്നു. 2021-ൽ ഇവർ ഡിവോഴ്സായി. രണ്ടുമക്കൾക്കൊപ്പം കഴിഞ്ഞിരുന്ന അവർ ഡിജെ കൂവിനെ 23 വർഷത്തിന് ശേഷം കണ്ടുമുട്ടുകയും പ്രണയത്തിലാവുകയുമായിരുന്നു.