ബോളിവുഡ് താരം സുശാന്ത് സിംഗ് രജ്പുത്തിന്റെ മരണവുമായി ബന്ധപ്പെട്ടുള്ള വിവാദങ്ങളും ആരോപണങ്ങളും അവസാനിക്കാതെ തന്നെ തുടരുകയാണ്. നടന്‍ സുശാന്ത് സിംഗ് രാജ്പുത്തിന്റെ മരണത്തോടെ സംശയത്തിന്റെ നിഴലിലാണ് നടിയും സുശാന്തിന്റെ സുഹൃത്തുമായ റിയ ചക്രബര്‍ത്തി. റിയക്കെതിരെ സുശാന്തിന്റെ അച്ഛന്‍ ബിഹാര്‍ പൊലീസില്‍ നല്‍കിയ പരാതിയില്‍ അന്വേഷണം പുരോഗമിക്കുകയാണ്. അതിനിടെ, സുശാന്തിന്റെ കുടുംബത്തിനെതിരെ പുതിയ ആരോപണവുമായി കാമുകി റിയ ചക്രവര്‍ത്തി രംഗത്ത് എത്തിയിരി . സുശാന്തിന്റെ സഹോദരി പ്രിയങ്ക തന്നെ മോശം ഉദ്ദേശത്തോടെ കയറി പിടിച്ചുവെന്നാണ് റിയ നിലവിൽ ഉന്നയിക്കുന്ന ആരോപണം.
തന്റെ അഭിഭാഷകന്‍ മുഖാന്തരം പുറത്തുവിട്ട കുറിപ്പിലാണ് ഞെട്ടിക്കുന്ന ആരോപണങ്ങള്‍ ഉൾപ്പെടുത്തിയിട്ടുള്ളത്. 2019ലാണ് സംഭവം എന്നാണ് പറയുന്നത്. നടി സുശാന്തിനൊപ്പം താമസിച്ചിരുന്ന സമയത്ത് മദ്യപിച്ച് ലക്കു കെട്ട് എത്തിയ താരത്തിന്റെ സഹോദരി ഇവരുടെ കിടക്കയിലേക്ക് വീണതായും കയറി പിടിച്ചതായും ആരോപിക്കുകയാണ്. ഞെട്ടിയ താന്‍ അവരോട് മുറിയിൽ നിന്നും പുറത്തുപോകുവാന്‍ ആവശ്യപ്പെട്ടുവെന്നും തുടര്‍ന്ന് റിയ വീടുവിട്ട് പോയതായും കുറിപ്പിൽ വിശദീകരിക്കുന്നുണ്ട്.
ഇതേതുടർന്ന് ഈ സംഭവത്തെക്കുറിച്ച് സുശാന്തിനോട് പറഞ്ഞതായും അവര്‍ തമ്മിൽ വാക്കു തര്‍ക്കമുണ്ടായതായും കുറിപ്പിൽ പറയുന്നു. ഈ സംഭവത്തോടെ താനും സുശാന്തിന്റെ കുടുംബവുമായുള്ള ബന്ധം വഷളായി. എന്നാൽ, സുശാന്തിന്റെ കുടുംബം ഇത് നിഷേധിക്കുകയാണ് ചെയ്തത്. ആരോപണത്തിൽ റിയ മാപ്പ് പറയണമെന്നും ആവശ്യപ്പെട്ട് കുടുംബം പറയുകയുണ്ടായി. അതിന്പുറമെ, മരിക്കുന്നതിന് മുൻപ് സുശാന്ത് സിംഗ് കുടുംബത്തെ വന്ന് കാണാനായി ശ്രമിച്ചിരുന്നതായും റിയ ആരോപിക്കുകയും ചെയ്തു. നിരവധി ദിവസത്തെ സുശാന്ത് ഫോണിൽ വിളിച്ച് കരഞ്ഞതിന് ശേഷം സഹോദരിമാരിൽ ഒരാൾ കാണുന്നതിന് സമ്മതിച്ചതായും റിയ ആരോപിക്കുകയായിരുന്നു.