നടന്‍ സുശാന്ത് സിങ് രജ്പുതിന്റെ അപ്രതീക്ഷിത വിയോഗത്തിൽ സിനിമ ലോകം ഞെട്ടിയിരിക്കുകയാണ് അക്ഷയ്കുമാർ, സണ്ണിവെയിൻ, ജയസൂര്യ, ഇന്ദ്രജിത്ത്, മഞ്ജുവാര്യർ തുടങ്ങി സിനിമാലോകത്തെ നിരവധി താരങ്ങളാണ് സുശാന്തിന്റെ വേർപാടിലുള്ള നടുക്കവും സങ്കടവും പ്രകടമാക്കിയത്.
സുശാന്തിന്റെ മരണവാർത്ത തന്നെ ഞെട്ടിച്ചുവെന്നും വാക്കുകൾ വറ്റിപ്പോയ അവസ്ഥയിലാണെന്നും അക്ഷയ്കുമാർ കുറിച്ചു. കഴിവുള്ള നടനെയാണ് നമുക്ക് നഷ്ടമായതെന്നും ഈ വിയോഗത്തെ അതിജീവിക്കാൻ അദ്ദേഹത്തിന്റെ കുടുംബത്തിനു കഴിയട്ടെയെന്നും അക്ഷയ്കുമാർ സമൂഹമാധ്യമത്തിൽ പങ്കുവച്ച കുറിപ്പിൽ പറഞ്ഞു.