മലയാളി കുടുംബ പ്രേക്ഷകരുടെ ഇഷ്ട പരമ്പരയാണ് കുടുംബ വിളക്ക്. സുമിത്രയെന്ന വീട്ടമ്മയുടെ കഥയാണ് പരമ്പരയിലൂടെ പറയുന്നത്. റേറ്റിങ്ങിലും മുന്നിൽ തന്നെയാണ് കുടുംബവിളക്ക്. സുമിത്രയും ഭർത്താവ് സിദ്ധാർത്ഥും തമ്മിൽ വേർപിരിയുന്നതോടെയാണ് പരമ്പരയിൽ ഒരു വഴിത്തിരിവ് ഉണ്ടാവുന്നത്. സുമിത്രയെ ഡിവോഴ്സ് ചെയ്ത ശേഷം സിദ്ധാർത്ഥ് വേദികയെ ജീവിത സഖിയാക്കുകയായിരുന്നു.
സുമിത്രയുടെയും രോഹിത്തിന്റെയും വിവാഹത്തിനായി കാത്തിരിക്കുകയാണ് ഇപ്പോൾ പ്രേക്ഷകർ. ഇവരുടെ വിവാഹം കഴിഞ്ഞിരിയ്ക്കുന്നു എന്ന വാര്‍ത്തകള്‍ പുറത്ത് വരുന്നു.
കല്യാണ വേഷത്തിലുള്ള വീഡിയോ പങ്കുവച്ചുകൊണ്ട് സോഷ്യല്‍ മീഡിയയില്‍ എത്തിയത് സുമിത്രയെ അവതരിപ്പിയ്ക്കുന്ന മീര വാസുദേവന്‍ തന്നെയാണ്. കല്യാണത്തിന് വേണ്ടിയുള്ള ഒരുക്കം എന്ന് പറഞ്ഞുകൊണ്ടാണ് വീഡിയോ പങ്കുവച്ചിരിയ്ക്കുന്നത്. അതി സുന്ദരിയായ മീരയെയാണ് വീഡിയോയില്‍ കാണുന്നത്.
കല്യാണം കഴിഞ്ഞു എന്ന ഉറപ്പ് മീര പങ്കുവച്ച വീഡിയോയില്‍ തന്നെയുണ്ട്. കഴുത്തില്‍ താലി ചരടോടെയാണ് മീര വാസുദേവന്‍ (സുമിത്ര) നില്‍ക്കുന്നത്. പിന്നില്‍ സുമിത്രയുടെയും രോഹിത്തിന്റെയും കല്യാണം അറിയിച്ചുകൊണ്ടുള്ള വലിയ ബാനറുകളും കാണാം.
അഞ്ചാം തിയ്യതിയിലുള്ള കല്യാണം നടക്കുമോ, സിദ്ധാര്‍ത്ഥ് മുടക്കുമോ എന്ന സംശയത്തിന് ഇടയിലാണ് കല്യാണം നടന്നു എന്ന സൂചന നല്‍കിക്കൊണ്ടുള്ള മീര വാസുദേവന്റെ വീഡിയോ. ഏത് വിധേനയും തന്റെ ആദ്യ ഭാര്യയുടെ രണ്ടാം വിവാഹം മുടക്കും, എന്നിട്ട് താന്‍ തന്നെ കെട്ടും എന്ന് പറഞ്ഞ് നടക്കുകയാണ് സിദ്ധാര്‍ത്ഥ്.
അങ്ങിനെയൊക്കെയാണ് എങ്കിലും കല്യാണം നടക്കും എന്ന ഉറച്ച വിശ്വാസം പ്രേക്ഷകര്‍ക്ക് ഉണ്ടായിരുന്നു. മൂന്ന് മാസത്തിലേറെയായി രോഹിത്ത് സുമിത്രയെ താലി കെട്ടുന്ന പ്രമോ വീഡിയോ പ്രചരിച്ചുകൊണ്ടിരിയ്ക്കുകയാണ്. അത് ആരുടെയും സ്വപ്‌നം അല്ല എങ്കില്‍ രോഹിത് സുമിത്ര വിവാഹം വൈകാതെ നടക്കും എന്ന പ്രതീക്ഷയില്‍ കാത്തിരിക്കുകയായിരുന്നു പ്രേക്ഷകരും
അതിനിടയില്‍ ആദ്യമായി, എന്ത് സംഭവിച്ചാലും ഈ കല്യാണം നടക്കണം എന്ന് സുമിത്ര ആദ്യമായി പ്രതികരിച്ച പ്രമോ വീഡിയോയും പുറത്ത് വന്നിട്ടുണ്ട്. സുമിത്ര ഉറച്ച തീരുമാനം എടുത്ത് കഴിഞ്ഞാല്‍ പിന്നെ പിന്നോട്ടില്ല എന്ന് പ്രേക്ഷകര്‍ക്കും അറിയാം. ഇതുവരെയുള്ള സുമിത്രയുടെ വിജയങ്ങള്‍ എല്ലാം അങ്ങിനെയായിരുന്നു
ഇതുവരെ കല്യാണത്തെ കുറിച്ച് പറയുമ്പോള്‍ എല്ലാം നടക്കുമായിരിയ്ക്കും എന്ന ഭാവമായിരുന്നു സുമിത്രയ്ക്ക്. ആദ്യമായി എന്ത് തന്നെ സംഭവിച്ചാലും ഈ കല്യാണം നടക്കണം എന്ന് സുമിത്ര പറഞ്ഞത് ആരാധകരും ആഘോഷമാക്കിയിരിയ്ക്കുകയാണ് എന്ന് പുറത്ത് വന്ന പ്രമോ വീഡിയോയ്ക്ക് താഴെ വന്ന കമന്റുകളില്‍ നിന്നും മനസ്സിലാക്കാം