ആറാഴ്ചക്കിടെ മൂന്നു സ്ത്രീകളിലായി മൂന്നു മക്കൾ ; പ്രീമിയർ ലീഗ് താരം വൈറലാകുന്നു !!!
വളരെ വ്യത്യസ്തവും രസകരവുമായ ഒരു വാർത്തയാണ് ഇപ്പോൾ ഫുട്ബോൾ ലോകത്ത് ചർച്ച . ഇംഗ്ലീഷ് പ്രീമിയർ ലീഗിൽ നിന്നും രണ്ടാം ഡിവിഷനിലേക്ക് താഴ്ത്തിയ സ്റ്റോക്ക് സിറ്റി സ്ട്രൈക്കർ സെയ്ഡോ ബെറാഹീനോയുടെ കഥയാണ് ഇപ്പോൾ വൈറൽ .കഴിഞ്ഞ ആറാഴ്ചക്കിടെ മൂന്നു സ്ത്രീകളിലായി മൂന്നു മക്കളാണ് താരത്തിനുണ്ടായിരിക്കുന്നത്. സിവിൽ രജിസ്ട്രിയിൽ മക്കളുടെ അച്ഛന്റെ സ്ഥാനത്ത് താരത്തിന്റെ പേരാണ് മൂന്നു സ്ത്രീകളും നൽകിയിരിക്കുന്നത്.
മെയ് 30ന് താരത്തിന്റെ മുൻ കാമുകി സ്റ്റെഫാനിയാ ക്രിസ്റ്റഫോറോ കുഞ്ഞിനു ജന്മം നൽകിയപ്പോൾ താരത്തിന്റെ പേരാണ് അച്ഛന്റെ സ്ഥാനത്തു നൽകിയത്. അതിനു ശേഷം ജൂലൈ പതിനേഴിന് താരത്തിന്റെ നിലവിലെ കാമുകിയായ ചെൽസിയ ലവ്ലേസ് കുഞ്ഞിനു ജന്മം നൽകിയപ്പോഴും ബെറാഹീനോയുടെ പേരാണു നൽകിയിരിക്കുന്നത്.
ചെൽസിയയുമായുള്ള ബന്ധം കാരണമാണ് സ്റ്റെഫാനിയ താരത്തെ ഉപേക്ഷിച്ചത്. ഇതൊന്നും കൂടാതെ ഇംഗ്ലണ്ടിലെ ഒരു ആശുപത്രിയിലെ നേഴ്സ് കുട്ടിയുടെ പിതാവ് ബെറാഹീനോയാണെന്നാണ് അവകാശപ്പെടുന്നത്. അവരുമായി താരത്തിന്റെ അഡ്വക്കേറ്റ് ഒത്തുതീർപ്പ് ചർച്ചയിലാണെന്നും പറയപ്പെടുന്നു.
stoke city star saido berahino had three babies by three women