ലോകമാതൃദിനത്തില്‍ മാതാ അമൃതാനന്ദമയിക്കൊപ്പമുള്ള ചിത്രം പങ്കുവെച്ച് ഹോളിവുഡ് താരം ഡെമി മൂര്‍.
‘ഹാപ്പി മദേഴ്‌സ് ഡേ! പരിമിതികളില്ലാത്ത യഥാര്‍ഥ സ്‌നേഹത്തിലേക്കു വഴി തെളിച്ചവര്‍ക്കും സ്‌നേഹം കൊണ്ട് എന്റെ വഴിയില്‍ പ്രകാശം നിറയ്ക്കുന്ന പെണ്‍മക്കള്‍ക്കും അളവറ്റ നന്ദി’ എന്ന വാക്കുകളോടെയാണ് ഡെമി മൂര്‍ ചിത്രം പോസ്റ്റ് ചെയ്തത്.അമൃതാനന്ദമയിയുടെ കാല്‍ക്കലിരിക്കുന്ന പെണ്‍മക്കള്‍ക്കൊപ്പം ഇരിക്കുന്ന ഡെമി മൂറിന്റെ ചിത്രം സോഷ്യല്‍മീഡിയയില്‍ വൈറലാവുന്നു.
മക്കളായ റൂമെര്‍, സ്‌കൗട്ട്, ടല്ലുലാ എന്നിവര്‍ സ്‌നേഹവായ്‌പോടെ അമൃതാനന്ദമയിയോട് ചേര്‍ന്നിരിക്കുകയാണ് ചിത്രത്തില്‍. ഡെമി മൂര്‍ അമൃതാനന്ദമയിയുടെ അനുയായി ആണെന്ന് ഇതാദ്യമായാണ് വെളിപ്പെടുത്തുന്നത്.
പ്രമുഖ ഹോളിവുഡ് താരം ബ്രൂസ് വില്ലിസുമായുള്ള ദാമ്പത്യത്തിലാണ് ഡെമി മൂറിന് മൂന്നു പെണ്‍മക്കള്‍ ജനിക്കുന്നത്. 1987 ല്‍ വിവാഹിതരായ ഇവര്‍ 2000 ല്‍ വേര്‍പിരിഞ്ഞു.