പ്രണവ് നായകനായെത്തിയ മൂന്നാമത്തെ ചിത്രം ഹൃദയം ഇപ്പോൾ ഒടിടിയിൽ സ്ട്രീമിംഗ് തുടരുകയാണ്. ചിത്രവും അതിലെ കഥാപാത്രവും സോഷ്യൽ മീഡിയയിൽ ചർച്ച ചെയ്യുമ്പോഴും പ്രണവ് എല്ലാത്തിൽ നിന്നും വിട്ട് നിന്ന് യാത്രയിലാണ്
ട്രാവൽ ബാഗും തൂക്കി കുന്നും മലയും താണ്ടുന്ന പ്രണവിന്റെ ചിത്രങ്ങളും വീഡിയോകളും പലപ്പോഴും സോഷ്യൽ മീഡിയയിൽ വൈറലായിട്ടുണ്ട്.
അടുത്തിടെ ആയി തന്റെ യാത്രകളുടെ ചിത്രങ്ങൾ പ്രണവ് തന്നെ ഇൻസ്റ്റഗ്രാമിലൂടെ ആരാധകരുമായി പങ്കുവച്ചു തുടങ്ങിയിട്ടുണ്ട്. അക്കൂട്ടത്തിൽ താൻ യാത്രകളിൽ പകർത്തിയ ചിത്രങ്ങൾ കൂടി പങ്കുവക്കുകയാണ് നടൻ ഇപ്പോൾ . ഓരോ ചിത്രങ്ങളും അവയെടുത്ത സ്ഥലങ്ങളുടെ പേരുകൾക്കൊപ്പമാണ് പ്രണവ് പോസ്റ്റ് ചെയ്തിരിക്കുന്നത്. ബ്ലാക്ക് ആൻഡ് വൈറ്റ് ചിത്രങ്ങളാണ് പുതുതായി പങ്കുവച്ചിരിക്കുന്നത്. ചിത്രങ്ങൾക്ക് ഒരുപാട് പേർ കമന്റ് ചെയ്യുന്നുണ്ട്. പ്രണവിന്റെ ഫൊട്ടോഗ്രഫിയെ പുകഴ്ത്തിക്കൊണ്ടുള്ളതാണ് കമന്റുകൾ.
അടുത്തിടെ, ഹിമാചൽ പ്രദേശിൽ നിന്നുള്ള ചിത്രങ്ങളും പ്രണവ് ഇൻസ്റ്റഗ്രാമിൽ ഷെയർ ചെയ്തിരുന്നു. സ്പിതി താഴ്‌വരയിൽ നിന്നും പാർവതി വാലിയിൽ നിന്നുള്ള ചിത്രവുമൊക്കെ പ്രണവിന്റെ ചിത്രങ്ങൾ ഏറെ ശ്രദ്ധ കവർന്നിരുന്നു.