നടിയും ബിഗ് ബോസ് മത്സരാര്ത്ഥിയുമായ ഉര്ഫി ജാവേദിന്റെ വസ്ത്രധാരണം വീണ്ടും ചര്ച്ചയാകുന്നു. മുംബൈയിലെ ഒരു പരിപാടിക്ക് കട്ട് ത്രൂ മാക്സി ഡ്രസ് ധരിച്ചാണ് ഉര്ഫി എത്തിയത്.
കറുപ്പ് നിറത്തിലുള്ള ഈ ഡ്രസ് അമേരിക്കന് മോഡല് കെന്ഡല് ജെന്നറില് നിന്നും പകര്ത്തിയതാണ് എന്ന വാദമാണ് ചര്ച്ചകളില് ഇടം നേടുന്നത്. കെന്ഡല് ജെന്നര് തന്റെ സുഹൃത്ത് ലോറന് പെരസിന്റെ വിവാഹ പാര്ട്ടിക്ക് ധരിച്ചത് ഇതേ മോഡലിലുള്ള വസ്ത്രമായിരുന്നു.
നവംബര് 11ന് ആയിരുന്നു ഈ വിവാഹം. ഈ വസ്ത്രത്തിലുള്ള ചിത്രങ്ങള് ഉര്ഫി പങ്കുവച്ചതോടെ ജെന്നറിന്റെ സ്റ്റൈല് കോപ്പി അടിച്ചുവെന്ന നിരവധി കമന്റുകളാണ് എത്തുന്നത്. എന്നാല് ഇത് മോശം വസ്ത്രമാണ് എന്നായിരുന്നു ചിലരുടെ അഭിപ്രായം.
ഈ വസ്ത്രം ധരിച്ച കെന്ഡല് ജെന്നറിന് നേരെയും വിവാദങ്ങള് ഉയര്ന്നിരുന്നു. സുഹൃത്തിന്റെ വിവാഹദിനത്തില് എല്ലാ ശ്രദ്ധയും തന്നിലേക്ക് ആകര്ഷിക്കുന്ന രീതിയില് വസ്ത്രം ധരിച്ചത് ശരിയായില്ല എന്നായിരുന്നു ചിലരുടെ വാദം.