സോഷ്യൽ മീഡിയയിലെ നിറ സാന്നിധ്യമാണ് അമൃത സുരേഷ്. തന്റെ വിശേഷങ്ങൾ എല്ലാം ആരാധകരുമായി പങ്കുവെക്കാറുണ്ട്. ആരാധകരോട് സംവദിക്കാൻ അമൃത ഈ തിരക്കിൻറെ ലോകത്തും സമയം കണ്ടെത്താറുണ്ട്
ഇപ്പോൾ ഇതാ കൈയ്യിലെ ടാറ്റുവില്‍ കുറിച്ചിരിക്കുന്നത് എന്താണെന്ന ആരാധകന്റെ ചോദ്യത്തിന് മറുപടിയുമായി എത്തിയിരിക്കുകയാണ്. ഇന്‍സ്റ്റഗ്രാമിലെ ചോദ്യോത്തര വേളയിലാണ് അമൃത ആരാധകര്‍ക്ക് മറുപടി കൊടുത്തത്. ഹിന്ദിയില്‍ കുറിച്ചിരിക്കുന്നത് എന്താണെന്ന് ആയിരുന്നു ആരാധകന്റെ ചോദ്യം.
”ചേച്ചിടെ കൈയിലെ ടാറ്റു ഹിന്ദിയില്‍ എന്താ എഴുതിയേക്കുന്നേ” എന്ന ചോദ്യത്തിന് അമൃതം ഗമയ എന്നാണ് ഗായികയുടെ മറുപടി. എന്നാല്‍ ഇത് ഇംഗ്ലീഷിലാണ് എഴുതിയിരിക്കുന്നത്. ഹിന്ദി വാക്കുകള്‍ എഴുതുന്നത് പോലെ ഒരു നീളന്‍ വരയുടെ കീഴില്‍ ഇംഗ്ലീഷ് അക്ഷരങ്ങള്‍ കുറിച്ചതിനാലാണ് ഹിന്ദി വാക്കുകളാണെന്ന് തോന്നിപ്പിക്കുന്നത്.
2014ല്‍ ആണ് അമൃതയും അഭിരാമിയും ബാന്‍ഡ് ആരംഭിച്ചത്.അമൃതയും ഗായികയും അവതാരകയുമായ സഹോദരി അഭിരാമിയും ചേര്‍ന്ന് ആരംഭിച്ച മ്യൂസിക് ബാന്‍ഡാണ് അമൃതം ഗമയ.
അമൃതയും അഭിരാമിയും തന്നെയാണ് ബാന്‍ഡിലെ ലീഡ് സിംഗര്‍മാരും. ഒട്ടേറെ സ്ഥലങ്ങളില്‍ ബാന്‍ഡ് പരിപാടി അവതരിപ്പിച്ചിട്ടുണ്ട്. ഇവരുടെ വ്‌ളോഗ് പേജിനും അമൃതം ഗമയ ചുരുക്കി എജി വ്‌ളോഗ് എന്നാണ് പേരിട്ടിരിക്കുന്നത്.