സോഷ്യൽ മീഡിയയിലെ താരങ്ങളാണ് നടൻ കൃഷ്ണ കുമാറും കുടുംബവും. ഭാര്യ സിന്ധു കൃഷ്ണ, മക്കളായ അഹാന, ദിയ, ഇഷാനി, ഹൻസിക എന്നിവരുമടങ്ങുന്ന കുടുംബം തങ്ങളുടെ വിശേഷങ്ങളെല്ലാം സോഷ്യൽ മീഡിയയിൽ പങ്കുവെക്കാറുണ്ട്. പൊതുവെ താരങ്ങളുടെ മക്കൾ സിനിമാ താരങ്ങളായി മാറാറാണ് പതിവെങ്കിൽ സിനിമാ രംഗത്ത് ഒരിടം കണ്ടെത്തുന്നതിന് പകരം സോഷ്യൽ മീഡിയ ഉപയോഗിച്ച് കരിയർ വളർത്തിയെടുക്കുകയാണ് ഇവർ ചെയ്തത്. അഹാന കൃഷ്ണ മാത്രമാണ് ഇവരിൽ സിനിമാ രംഗത്ത് സജീവം.
കൃഷ്ണകുമാറിന്റെ ഭാര്യയായ സിന്ധു കൃഷ്ണ പ്രേക്ഷകര്‍ക്ക് പരിചിതയാണ്. യൂട്യൂബ് ചാനലിലൂടെയായാണ് അവര്‍ വിശേഷങ്ങള്‍ പങ്കിടാറുള്ളത്. അഹാനയ്‌ക്കൊപ്പം ഫോട്ടോ ഷൂട്ടിന് കൂടെ പോയപ്പോഴാണ് മുന്‍പ് മ്യൂസിയത്തില്‍ സ്ഥിരമായി പോയിരുന്ന കാര്യം ഓര്‍ത്തത്. പൂര്‍ണ ഗര്‍ഭിണിയായിരുന്ന സമയത്തും താന്‍ അവിടെ പോയിരുന്നുവെന്ന് അവര്‍ പറയുന്നു. പുതിയ വീഡിയോയിലൂടെയായാണ് സിന്ധു കൃഷ്ണ വിശേഷങ്ങള്‍ പങ്കുവെച്ചത്.
ഏതോ വീഡിയോയില്‍ അമ്മുവിനെ പ്രസവിക്കുന്നതിന്റെ തലേദിവസം ഞാന്‍ എവിടെയോ തുള്ളിച്ചാടി നടന്നിരുന്നു എന്ന് പറഞ്ഞിരുന്നു. ഇപ്പോള്‍ ഈ ഫോട്ടോ ഷൂട്ടിന് വന്നപ്പോഴാണ് എനിക്ക് സ്ഥലം മനസിലായത്. അത് മ്യൂസിയത്തിലായിരുന്നു. കിച്ചു, ബീന ആന്റണി, യദു കൃഷ്്ണന്‍ ഇവരെല്ലാം ചേര്‍ന്നുള്ള പരസ്യത്തിന്റെ ചിത്രീകരണമുണ്ടായിരുന്നു. ലോട്ടറി ടിക്കറ്റിന്റെ പരസ്യമായിരുന്നു. ആ ഷൂട്ടിനിടയില്‍ ഞാനും കിച്ചുവും സംസാരിച്ച് നില്‍ക്കുന്നത് അഴകപ്പന്‍ സാര്‍ ക്യാമറയില്‍ പകര്‍ത്തിയിരുന്നു. ആ വീഡിയോ അദ്ദേഹം ഞങ്ങള്‍ക്ക് തന്നിരുന്നു. അത് ഇപ്പോള്‍ എവിടെയാണെന്ന് ഞാന്‍ ഓര്‍ക്കുന്നില്ല.
1995 നവംബര്‍ 11നായിരുന്നു അത്. പിറ്റേന്ന് പ്രസവിക്കും എന്നൊന്നും എനിക്കറിയില്ലായിരുന്നു. ചെക്കപ്പിനായി പോയപ്പോഴാണ് അഡ്മിറ്റാവാന്‍ പറഞ്ഞത്. ഇപ്പോള്‍ ഇവിടെ വന്നപ്പോള്‍ അതെല്ലാം മനസിലേക്ക് വന്നുവെന്നായിരുന്നു സിന്ധു കൃഷ്ണ പറഞ്ഞത്. മക്കളൊക്കെ ചെറുതായിരുന്ന സമയത്ത് ഞങ്ങള്‍ ഇടയ്ക്കിടയ്ക്ക് മ്യൂസിയത്തില്‍ വരാറുണ്ടായിരുന്നു. വളരെ മനോഹരമായ സ്ഥലമാണിത്. ഇതുവരെ കണ്ടിട്ടില്ലെങ്കില്‍ വന്ന് കാണേണ്ടത് തന്നെയാണ്.
അമ്മയ്ക്ക് ഇവിടെയൊക്കെ സുഹൃത്തുക്കളുണ്ടെന്നായിരുന്നു പാളയം മാര്‍ക്കറ്റിലെ ഷൂട്ടിനെക്കുറിച്ച് അഹാന പറഞ്ഞത്. ഇതാദ്യമായാണ് സാരി ഫോട്ടോ ഷൂട്ട് ഇവിടെ വെച്ച് നടത്തുന്നത്. അതിന് ശേഷമായി പത്മനാഭ സ്വാമി അമ്പലത്തിന് അടുത്തേക്കായിരുന്നു അഹാനയും സംഘവും പോയത്. പിന്നീട് കോവളത്തും പോയിരുന്നു. അതും സിന്ധു കൃഷ്ണ വീഡിയോയില്‍ കാണിച്ചിരുന്നു. ക്ഷീണമൊക്കെയായിരുന്നുവെങ്കിലും നല്ല അനുഭവമായിരുന്നു ഇതെന്നുമായിരുന്നു സിന്ധു കൃഷ്ണ പറഞ്ഞത്.