ബിഗ്‌ബോസ് മലയാളം സീസണ്‍ 4 ന്റെ വിജയി ആകാന്‍ ആയില്ലെങ്കിലും ജന മനസ്സുകള്‍ ഒന്നാകെ കീഴടക്കാന്‍ ഡോ റോബിന്‍ രാധാകൃഷ്ണന് സാധിച്ചു. താരം പങ്കെടുക്കുന്ന പരിപാടികളിലെല്ലാം ജനസാഗരമാണ്. അത്രത്തോളം ആരാധകരാണ് അദ്ദേഹത്തിന്‌ ഉള്ളത്. ബിഗ്ബോസിൽ നിന്നും റോബിനെ പുറത്താക്കിയതോടെ റോബിന്റെ ആരാധകരുടെ എണ്ണം വർദ്ധിക്കുകയായിരുന്നു..
തിരക്കഥാകൃത്തും സംഗീത സംവിധായകയുമായ ലേഖ അംബുജാക്ഷനെ കാണാനായി ഭാവി വധു ആരതി പൊടിക്കൊപ്പം റോബിനെത്തിയിരുന്നു. റോബിന്‍ ആദ്യമായി അഭിനയിച്ച പരസ്യചിത്രം സംവിധാനം ചെയ്തത് ലേഖയുടെ ഭർത്താവായ അംബുജാക്ഷനായിരുന്നു. ഇതിന് പിന്നാലെ ഇവരുടെ സംവിധാനത്തില്‍ റോബിനെ വെച്ച് പുതിയ സിനിമ പുറത്തിറക്കുന്നതിനെ കുറിച്ച് ലേഖ കഴിഞ്ഞ ദിവസം വ്യക്തമാക്കിയിരുന്നു.
ലേഖയുടെ വീട്ടില്‍ വെച്ച് റോബിന്‍ ഇന്‍സ്റ്റഗ്രാമിലൂടെ പുറത്ത് വിട്ട ലൈവിലാണ് വിമർശകർക്കുള്ള മറുപടി നല്‍കുത്. വിരളിലെണ്ണാന്‍ പറ്റുന്ന എതിരാളികളോട് എന്താണ് പറയാനുള്ളതെന്ന ലേഖയുടെ ചോദ്യത്തിനോടായിരുന്നു ലൈവിലുള്ള റോബിന്റെ മറുപടി. മീന്‍ കഴിക്കുന്നതുമായി താരതമ്യപ്പെടുത്തിയാണ് ഇിനോട് താരം പ്രതികരിക്കുന്നതെന്നും ശ്രദ്ധേയമാണ്.
‘നമുക്ക് ഇഷ്ടമുള്ള ഒരു മീന്‍ നെയ്മീനാണെന്ന് വിചാരിക്കുക. ഒരുപാട് മാംസമുള്ള മീനാണ് അത്. ആ മാംസം നമ്മള്‍ കഴിച്ചിട്ട് ബാക്കി വരുന്ന മുള്ളങ്ങ് കളയുക, അത്രയേയുള്ളു’ എന്നായിരുന്നു വിമർശകരോടുള്ള റോബിന്റെ മറുപടി റോബിന്റെ കൂടെയുണ്ടായിരുന്നു ആരതി പൊടിയും അനുകൂലിച്ചു. വെരിഗുഡ് എന്നായിരുന്നു ആരതിയുടെ പ്രതികരണം.