ബോളിവുഡിലെ താരദമ്പതികളായ രൺബീർ കപൂറിനും ആലിയ ഭട്ടിനും നവംബർ ആറിനാണ് പെൺകുഞ്ഞ് പിറന്നത്. . കുഞ്ഞിനെകുറിച്ചുള്ള കൂടുതൽ വിവരങ്ങൾ ഒന്നും കുടുംബം പങ്കുവച്ചിട്ടില്ലെങ്കിലും നാഷണൽ മീഡിയയിൽ നിറയെ താര ദമ്പതികളുടെ മകൾ തന്നെയാണ് സംസാര വിഷയം. കഴിഞ്ഞദിവസം ഇവരുടെ മകൾ നിമിത്തം ട്രോളുകളിൽ സംവിധായകൻ കരൺ ജോഹറും പെട്ടിരുന്നു. ഇപ്പോഴിതാ പുത്തൻ വാർത്തയാണ് സോഷ്യൽ മീഡിയയിൽ നിറയുന്നത്. വിശദമായി വായിക്കാം.
മകളെ നെഞ്ചോട് ചേർത്തപ്പോൾ രൺബീർ കപൂർ കണ്ണീരണിഞ്ഞു എന്നാണ് ദേശീയ ഓൺലൈൻ മാധ്യമങ്ങൾ റിപ്പോർട്ട് ചെയ്യുന്നത്. താരങ്ങളുടെ ബന്ധുക്കൾ തന്നെയാണ് ഇക്കാര്യം ഒരു ദേശീയ മാധ്യമത്തോട് പറഞ്ഞതെന്നും റിപ്പോർട്ടുണ്ട്. വികാരനിർഭര നിമിഷങ്ങൾക്കാണ് മുംബൈയിലെ എച്ച്എൻ റിലയൻസ് ആശുപത്രി സാക്ഷ്യം വഹിച്ചത് എന്നും ഓൺലൈൻ മാധ്യമങ്ങൾ റിപ്പോർട്ട് ചെയ്യുന്നു.
രൺബീറിനെ ഞങ്ങൾ ഒരിക്കലും ഇത്രയും സന്തോഷവാനായിട്ട് കണ്ടിട്ടില്ല. പൊതുവെ തീർത്തും ശാന്തനായി കാണപ്പെടുന്ന രൺബീർ മകളുടെ വരവിൽ സന്തോഷം മറച്ചുവയ്ക്കാതെ ആവേശത്തോടെ ഓടിനടക്കുന്ന കാഴ്ച കാണാൻ കഴിഞ്ഞുവെന്നും മകളെ നെഞ്ചോട് ചേർത്തപ്പോൾ ആ കണ്ണുകൾ നിറഞ്ഞൊഴുകി. ആ കാഴ്ച കണ്ടുന്നിവരെയും കരയിപ്പിച്ചു എന്നാണ് റിപ്പോർട്ടിൽ പറയുന്നത്.
‘ഞങ്ങളുടെ ജീവിതത്തിലെ ഏറ്റവും നല്ല വാര്‍ത്തയാണിത്. നമ്മുടെ കുഞ്ഞ് ഇവിടെയുണ്ട്… വാട്ട് എ മാജിക്കല്‍ ഗേള്‍ ഷീ ഈസ്. ഞങ്ങള്‍ അനുഗ്രഹീതരായ മാതാപിതാക്കളാണ്. എന്ന് ആലിയ കുറിച്ചപ്പോൾ
ഈ സന്തോഷ വാര്‍ത്ത ഞങ്ങള്‍ സ്‌നേഹപൂര്‍വം ഔദ്യോഗികമായി പ്രഖ്യാപിക്കുകയാണ്. സ്‌നേഹം, സ്‌നേഹം, സ്‌നേഹം എന്നായിരുന്നു സോഷ്യൽ മീഡിയയിൽ രൺബീർ കുറിച്ചത്.
ബോളിവുഡ് സിനിമ ലോകം ഏറെ ആകാംക്ഷയോടെ കാത്തിരുന്ന താര വിവാഹമായിരുന്നു ആലിയ ഭട്ടിന്റേയും രണ്‍ബീര്‍ കപൂറിന്റേയും. ബോളിവുഡ് സിനിമാലോകം മാത്രമല്ല ഇന്ത്യൻ സിനിമാലോകവും ലോകം മുഴുവനുമുള്ള സിനിമാ പ്രേമികളും ഏറെ പ്രതീക്ഷയോടെ കാത്തിരിന്നു. 5 വർഷം നീണ്ട പ്രണയത്തിനൊടുവിലാണ് ഇരുവരും വിവാഹിതരായത്.