നടി നുസ്രാത് ഫരിയ വധശ്രമക്കേസിൽ അറസ്റ്റിൽ. ബംഗ്ലാദേശിൽ വെച്ചാണ് അറസ്റ്റിലാകുന്നത്. ‘മുജീബ് – ദി മേക്കിങ് ഓഫ് എ നാഷൻ’ എന്ന സിനിമയിൽ ശൈഖ് ഹസീനയായി വേഷമിട്ട നടിയാണ് നുസ്രാത് ഫരിയ.
തായ്‌ലൻഡിലേക്ക് പോകാനായി വിമാനത്താവളത്തിൽ എത്തിയപ്പോഴാണ് നടി അറസ്റ്റിലായത്. 2024 ജൂലൈയിൽ ശൈഖ് ഹസീനക്കെതിരായ പ്രക്ഷോഭത്തിൽ വധശ്രമവുമായി ബന്ധപ്പെട്ട കേസാണ് നടിക്കെതിരെയുള്ളത്. അറസ്റ്റ് വാറണ്ട് പുറപ്പെടുവിച്ചിരുന്നു.
2023-ൽ പുറത്തിറങ്ങിയ മുജീബ് – ദി മേക്കിങ് ഓഫ് എ നാഷൻ ചിത്രത്തിലൂടെ നടിക്ക് ഏറെ അംഗീകാരങ്ങൾ ലഭിച്ചിരുന്നു. ബംഗ്ലാദേശിൻറെയും ഇന്ത്യയുടെയും സംയുക്ത സംരംഭമായ ഈ ചിത്രം അന്തരിച്ച പ്രശസ്ത സംവിധായകൻ ശ്യാം ബെനഗലാണ് സംവിധാനം ചെയ്തത്.