നിമിഷ സജയന് നായികയാകുന്ന ഹിന്ദി ഷോര്ട് ഫിലിം ഘര് സെയുടെ ഫസ്റ്റ് ലുക്ക് പോസ്റ്റര് പുറത്തുവിട്ടു. മൃദുല് നായര് ആണ് സംവിധായകന്. ജെ രാമകൃഷ്ണ കുളൂര് തിരക്കഥ രചിച്ചിരിക്കുന്ന ഘര് സെയുടെ ഛായാഗ്രാഹണം നിര്വഹിക്കുന്നത് ജോമോന് ടി ജോണ് ആണ്. മൃദുല് നായരുടേത് തന്നെയാണ് ചിത്രത്തിന്റെ കഥ.
ലോക്ക്ഡൗണിന് ശേഷം ഒരുക്കിയ ചിത്രം എന്ന് പറഞ്ഞാണ് നിമിഷ പോസ്റ്റര് പങ്കുവച്ചിരിക്കുന്നത്. ആസിഫ് അലി, അപര്ണ ബാലമുരളി, നിരഞ്ജന അനൂപ്, അര്ജുന് അശോകന് എന്നിവരെ കേന്ദ്ര കഥാപാത്രങ്ങളാക്കി ഒരുക്കിയ ബിടെക് എന്ന സിനിമയുടെ സംവിധായകനാണ് മൃദുല് നായര്.