വാരികുന്നത്ത് കുഞ്ഞഹമ്മദ് ഹാജിയുടെ ജീവിതം പ്രമേയമാക്കി അലി അക്ബര്‍ ഒരുക്കുന്ന ‘1921’ന് ഇതുവരെ ലഭിച്ച തുക പങ്കുവച്ച് സംവിധായകന്‍. ക്രൗഡ് ഫണ്ടിങ് വഴി 72 ലക്ഷത്തിലധികം രൂപയാണ് അലി അക്ബറിന് ലഭിച്ചത്.
”ചെലര്‍ത് പെട്ടെന്ന് ശരിയാവും, ചെയലര്‍ത് പെട്ടന്ന് ശരിയാവൂല്ല, ഇമ്മളത് പെട്ടെന്ന് ശരിയായില്ലെങ്കില്‍ ഇമ്മക്ക് കൊയപ്പം ഇല്ല, ചെലോര്‍ക്കാണ് കൊയപ്പം. ഇങ്ങള് ബിചാരിച്ചാ പെട്ടെന്ന് ശരിയാവും നന്ദി… 72,06,842…” എന്നാണ് അലി അക്ബര്‍ കുറിച്ചത്.
. പൃഥ്വിരാജിനെ നായകനാക്കി ആഷിഖ് അബു ‘വാരിയംകുന്നന്‍’ ചിത്രം പ്രഖ്യാപിച്ചതിന് പിന്നാലെയാണ് ഇതേ കഥാപാത്രത്തെ അടിസ്ഥാനമാക്കി മൂന്നു ചിത്രങ്ങള്‍ കൂടി പ്രഖ്യാപിച്ചത്. നാടകകൃത്തും സംവിധായകനുമായ ഇബ്രാഹിം വേങ്ങര തിരക്കഥ രചിച്ച് ഒരുക്കുന്ന ദ് ഗ്രേറ്റ് വാരിയംകുന്നന്‍, പി.ടി. കുഞ്ഞുമുഹമ്മദ് സംവിധാനം ചെയ്യുന്ന ഷഹീദ് വാരിയംകുന്നന്‍ എന്നിവയാണ് മറ്റു ചിത്രങ്ങള്‍.