ഹത്രസ് സംഭവത്തിന്റെ പശ്ചാത്തലത്തില് യുപി ഗ്രാമങ്ങളിലെ കടുത്ത ജാതിചിന്തയെക്കുറിച്ച് യുപി സ്വദേശിയും ബോളിവുഡ് നടനുമായ നവാസുദ്ദീന് സിദ്ദിഖി. ടിവി അഭിമുഖത്തില് മനസ്സ് തുറന്നു.
‘ജന്മനാട്ടില് താനും ജാതി വിവേചനത്തിന് ഇരയായിട്ടുണ്ടെന്നും ജാതി വേര്തിരിവിനെതിരെ നടക്കുന്ന പ്രചാരണങ്ങളൊന്നും ഈ ഗ്രാമങ്ങളില് ഏശില്ലെന്നും അദ്ദേഹം അഭിപ്രായപ്പെട്ടു.
‘ഇപ്പോഴും എന്റെ കുടുംബം വിവേചനം നേരിടുന്നുണ്ട്. എന്റെ പ്രശസ്തിയൊന്നും അവിടെയുള്ളവര്ക്കു വിഷയമല്ല. ജാതി ചിന്തയെ അഭിമാനമായാണ് അവര് കാണുന്നത്.’ ഹത്രസ് സംഭവം വളരെ നിര്ഭാഗ്യകരമാണെന്നും കലാകാരന്മാര് അതിനെതിരെ സംസാരിക്കണമെന്നും സിദ്ദിഖി പറഞ്ഞു.