എസ് പി ബാലസുബ്രഹ്മണ്യത്തിന്റെ വിയോഗത്തിൽ നിന്ന് ഇന്നും പലർക്കും കരകയറാൻ സാധിച്ചിട്ടില്ല. ഇപ്പോൾ ഇതാ അദ്ദേഹത്തിന് ഭാരത രത്ന നല്‍കി ഗായകനെ ആദരിക്കണം എന്ന ആവശ്യവുമായി നിരവധി പേർ രംഗത്ത്
ആന്ധ്രാപ്രദേശ് മുഖ്യമന്ത്രി വൈ എസ് ജഗന്‍ മോഹന്‍ റെഡ്ഡി ഈ ആവശ്യം ഉന്നയിച്ച്‌ പ്രധാനമന്ത്രി നരേന്ദ്ര മോദിക്ക് കത്തെഴുതിയിരുന്നു.
ലതാ മങ്കേഷ്കര്‍, ഭൂപന്‍ ഹസാരിക, എം എസ് സുബ്ബലക്ഷ്മി, ബിസ്മില്ല ഖാന്‍, ഭീംസെന്‍ ജോഷി എന്നീ സംഗീതജ്ഞ‍ര്‍ക്ക് ഭാരത രത്ന നല്‍കി ആദരിച്ചിട്ടുണ്ട്. എസ്.പി.ബിക്ക് സംഗീതത്തില്‍ മാത്രമല്ല, കലയ്ക്ക് വേണ്ടി അദ്ദേഹം നല്‍കിയ സമഗ്ര സംഭാവനയുടെ അടിസ്ഥാനത്തില്‍ ഭാരത് രത്ന അവാര്‍ഡ് അദേഹത്തിന് നല്‍കണമെന്ന് അഭ്യര്‍ത്ഥിക്കുന്നുവെന്നും വൈ എസ് ജഗന്‍ എഴുതി. ഇതിനെ പിന്തുണച്ചു കൊണ്ട് കമല്‍ ഹാസന്‍ രംഗത്ത് എത്തിയിരുന്നു.