ബോളിവുഡ് നടന്‍ സുശാന്ത് സിങിന്റെ മരണത്തിനു പിന്നാലെ ഉയര്‍ന്നു വന്ന മയക്കുമരുന്ന് കേസില്‍ പ്രമുഖ താരങ്ങൾ നിരീക്ഷണത്തിൽ മയക്കുമരുന്ന് കടത്തിന്റെ മാസ്റ്റര്‍ മൈന്‍ഡ് മോഡലിങ്ങില്‍ നിന്നെത്തിയ നടനാണെന്ന് നര്‍ക്കോട്ടിക് കണ്‍ട്രോള്‍ ബ്യൂറോയുമായി ബന്ധപ്പെട്ടവര്‍ ഒരു ദേശിയ മാധ്യമത്തോട് പറഞ്ഞു.
ഇപ്പോൾ മൂന്ന് നടിമാരാണ് നിരീക്ഷണത്തിലുള്ളത്. അടുത്ത ദിവസം എന്‍സിബി ഇവരെ ചോദ്യം ചെയ്യും. കൂടാതെ ലഹരിവസ്തുക്കള്‍ സിനിമ മേഖലകളിലുള്ളവര്‍ക്ക് വിതരണം ചെയ്യുന്ന നടന്മാര്‍, സംവിധായകര്‍, നിര്‍മാതാക്കള്‍ എന്നിവരുടെ വിവരവും പുറത്തുവിടുമെന്നും റിപ്പോര്‍ട്ടില്‍ പറയുന്നു.
നടനാകുന്നതിന് മുന്‍പ് സൂപ്പര്‍ മോഡലായി തിളങ്ങിയ വ്യക്തിയാണ് സിനിമരംഗത്തെ മയക്കുമരുന്ന് മാഫിയയുടെ പ്രധാനി. ഇയാള്‍ക്ക് പ്രദേശത്തെ ലഹരി വിതരണക്കാരുമായി ബന്ധമുണ്ടെന്നും ഇന്റസ്ട്രിയിലുള്ളവര്‍ക്ക് ഉപയോഗിക്കുന്നതിനുള്ള ലഹരി വിതരണം ചെയ്യുന്നത് ഈ നടന്‍ ആണെന്നും റിപ്പോര്‍ട്ട്.