ബോളിവുഡ് നടി അന്‍കിത ലോഖന്‍ഡേയുടെ അച്ഛന്‍ ശശികാന്ത് ലോഖന്‍ഡേ അന്തരിച്ചു. മുംബൈയില്‍വച്ച് ശനിയാഴ്ചയായിരുന്നു മരണം.
താരങ്ങളായ അര്‍തി സിങ്, ശ്രദ്ധ ആര്യ, ഓംകാര്‍ കപൂര്‍, രാജേഷ് ഖട്ടര്‍ തുടങ്ങിയവര്‍ ആദരാഞ്ജലികള്‍ അര്‍പ്പിക്കാന്‍ എത്തിയിരുന്നു.
സംസ്‌കാരത്തിനു കൊണ്ടുപോകുന്ന അച്ഛന്റെ ശവമഞ്ചം ചുമക്കുന്ന അന്‍കിതയുടെ വിഡിയോ ആണ് ഇപ്പോള്‍ വൈറലാവുന്നത്. കരഞ്ഞുകൊണ്ട് അച്ഛന്റെ ശവമഞ്ചം തോളിലേറ്റുന്ന താരത്തെയാണ് വിഡിയോയില്‍ കാണുന്നത്. ഭര്‍ത്താവ് വിക്കി ജെയിനും അന്‍കിതയ്‌ക്കൊപ്പമുണ്ടായിരുന്നു. അച്ഛന്റെ വി യോഗത്തില്‍ താരത്തിന്റെ ആരാധകരും ആദരാഞ്ജലി അര്‍പ്പിച്ചു.