നടി ആക്രമിക്കപ്പെട്ട കേസില്‍ സിദ്ദിഖ്, ഭാമ എന്നിവര്‍ കൂറുമാറിയതില്‍ ആഞ്ഞടിച്ച് ദീപാ നിശാന്ത്. തന്റെ ഫേസ്ബുക്കിലൂടെയാണ് പ്രതിഷേധം രേഖപ്പെടുത്തിയത്.
കുറിപ്പ് വായിക്കാം………..
കൂറു മാറിയവരല്ല!
കൂറ് കാണിച്ചവരാണ്!
റേപ്പിസ്റ്റുകളോട് കൂറു കാണിച്ചവര്‍ !
അങ്ങനെത്തന്നെ കാലം നിങ്ങളെ അടയാളപ്പെടുത്തും
ഭാമയ്ക്കും സിദ്ധിഖിനുമെതിരേ രൂക്ഷവിമര്‍ശനവുമായി രേവതി, റിമ കല്ലിങ്കല്‍,ആഷിക് അബു, രമ്യ നമ്ബീശന്‍ തുടങ്ങിയവര്‍ രംഗത്തെത്തിയിരുന്നു . സിദ്ദിഖ് മൊഴി മാറ്റിയത് മനസ്സിലാക്കാമെന്നും എന്നാല്‍ ഭാമയുടെ ഭാഗത്ത്നിന്ന് അത്തരത്തിലൊരു നീക്കം പ്രതീക്ഷിച്ചില്ലെന്നും രേവതി ഫെയ്സ്ബുക്കില്‍ കുറിച്ചു.
നമുക്കൊപ്പം പോരാട്ടത്തിലുണ്ടെന്ന് വിശ്വസിക്കുന്ന ഒരാളുടെ നിറം മാറുമ്ബോള്‍ അതിയായ വേദന തോന്നുന്നുവെന്ന് രമ്യ കുറിച്ചു. മൊഴിമാറ്റിയ സ്ത്രീ ഒരു തരത്തില്‍ ഇരയാണെന്നാണ് റിമ അഭിപ്രായപ്പെട്ടത്.
ഭാമയ്ക്കെതിരേ രൂക്ഷവിമർശനവുമായി എഴുത്തുകാരൻ എൻ.എസ്. മാധവനും രംഗത്തെത്തിയിരുന്നു. യേശുവിനെ ഒറ്റിക്കൊടുത്ത യൂദാസിന്റെ ഒരു സിനിമയിലെ പടം പങ്കുവെച്ചായിരുന്നു എൻ.എസ്. മാധവന്റെ പ്രതികരണം. ‘ഈ പടത്തിനു ഭാമയുമായുള്ള സാദൃശ്യം യാദൃശ്ചികം മാത്രം’ എന്നാണ് അദ്ദേഹം ക്യാപ്ഷനായി നൽകിയത്.