കഴിഞ്ഞ രണ്ട് ദിവസമായി വലിയ രീതിയിൽ വിമർശനം നേരിടുകയാണ് ബിഗ് ബോസ് മലയാളം സീസൺ ഫോർ വിന്നറായ ദിൽഷ പ്രസന്നൻ. ഒരു ബിസിനസ് കൊളാബിന്റെ ഭാഗമായി ദിൽഷ ഒരു ട്രേഡ് മാർക്കറ്റിങ് പേജിനെ തന്റെ ഫോളോവേഴ്സിന് പരിചയപ്പെടുത്തി എത്തിയിരുന്നു. എന്നാൽ ദിൽഷ പരിചയപ്പെടുത്തിയ പേജും പേജിന്റെ പ്രവൃത്തികളും തട്ടിപ്പാണെന്നും പണം നഷ്‌ടമാകുന്ന തരത്തിലുള്ളതാണെന്നും വിമർശനം വന്നു. സംഭവം വൈറലായതോടെ ദിൽഷ വീഡിയോ ഡീലീറ്റ് ചെയ്ത് വിശദീകരണം നൽകിയിരുന്നു. ബിഗ് ബോസ് സീസൺ ഫോറിൽ രണ്ടാം സ്ഥാനം നേടിയ ബ്ലെസ്ലിയും ദിൽഷയെ വിമർശിച്ച് എത്തിയിരുന്നു.
ഇപ്പോഴിതാ പ്രൊമോഷന് വീഡിയോ വിവാദത്തില്‍ ദില്‍ഷയ്ക്ക് മറുപടിയുമായി ബ്ലെസ്ലി. അവര്‍ തന്നേയും പ്രൊമോഷന് വേണ്ടി സമീപിച്ചിരുന്നുവെന്നും എന്നാല്‍ തട്ടിപ്പാണെന്ന് താന്‍ തിരിച്ചറിഞ്ഞുവെന്നുമാണ് ബ്ലെസ്സി പറയുന്നത്. തനിക്കെതിരെ വധഭീഷണിയുണ്ടെന്നും ബ്ലെസ്ലി പറയുന്നുണ്ട്.