ലഹരിമരുന്ന് കേസിൽ നടനും മോഡലുമായ നിയാസ് മുഹമ്മദ് അറസ്റ്റിൽ. ടൊവീനോ നായകനായ കല്‍ക്കിയില്‍ വില്ലന്‍ വേഷത്തില്‍ എത്തിയ തരാം കൂടിയാണ് നിയാസ് മുഹമ്മദ്. നടി സഞ്ജന ഗില്‍റാണിയുടെ അടുത്ത സുഹൃത്ത് കൂടിയാണ് നിയാസ്. ഇരുവരും ഒന്നിച്ചുള്ള ചിത്രങ്ങളും വിഡിയോകളും ലഭിച്ചിട്ടു
കലൂരില്‍ വാടകയ്ക്ക് താമസിച്ചിരുന്ന നിയാസ് സിനിമാതാരങ്ങള്‍ക്ക് ലഹരിയെത്തിക്കുന്നവരില്‍ പ്രധാനിയായിരുന്നുവെന്ന് പൊലീസ് പറയുന്നു. അഞ്ചുവര്‍ഷമായി ബംഗളുരുവില്‍ സ്ഥിരതാമസമായ നിയാസ് അരൂര്‍ സ്വദേശിയാണെന്ന് പറഞ്ഞിരുന്നുവെങ്കിലും വീട് പൊലീസിന് കണ്ടെത്താനായില്ല. മലയാളം, കന്നഡ സിനിമകളില്‍ അഭിനയിച്ചിട്ടുണ്ടെങ്കിലും കാര്യമായ വേഷങ്ങള്‍ ഒന്നും നിയാസിന് ലഭിച്ചിരുന്നില്ല. അവസരങ്ങളെക്കാള്‍ താരങ്ങളുമായുള്ള സൗഹൃദത്തിനു പ്രധാനം നല്‍കിയ നിയാസ് അതിനായി ലഹരിയൊഴുക്കി. പാര്‍ട്ടികളും സംഘടിപ്പിച്ചു.
നേരത്തെ നാര്‍കോട്ടിക് കണ്‍ട്രോള്‍ ബ്യൂറോ അറസ്റ്റ് ചെയ്ത സീരിയല്‍ നടി അനിഘ, അനൂപ് മുഹമ്മദ് തുടങ്ങിയവരുമായി ഇദ്ദേഹത്തിനുള്ള ബന്ധവും സിസിബി പരിശോധിക്കുന്നുണ്ട്.