നടൻ ഇടവേള ബാബുവിന്റെ അമ്മ ശാന്ത രാമൻ നിര്യാതയായി. 78 വയസായിരുന്നു. ഇന്ന് പുലർച്ചെയായിരുന്നു അന്ത്യം. ഗവ.ഗേൾസ് ഹൈസ്‌കൂളിലെ സംഗീതാധ്യാപിക ആയിരുന്നു ശാന്ത രാമൻ.
ശാന്ത രാമന്റെ പിറന്നാളായിരുന്നു ഇന്നലെ . പിറന്നാൾ ആഘോഷൾക്ക് ശേഷം രാത്രി ഒരു മണിയോടെ ശാന്ത രാമന്റെ മുറിയിൽ നിന്ന് ശബ്ദം കേട്ട് അവിടേക്ക് ചെന്നപ്പോഴാണ് തറയിൽ വീണുകിടക്കുന്ന നിലയിൽ കണ്ടെത്തുന്നത്. ഉടൻ തന്നെ ഇരിഞ്ഞാലക്കുട കോപ്പറേറ്റിവ് ആശുപത്രിയിൽ എത്തിച്ചുവെങ്കിലും മരിച്ചിരുന്നു.
ഇന്ന് രാവിലെ 9 മണി മുതൽ വൈകീട്ട് മൂന്ന് മണിവരെ മുനിസിപ്പൽ ഓഫിസ് റോഡിലുള്ള ഇടവേള ബാബുവിന്റെ വസതിയിൽ മൃതദേഹം പൊതു ദർശനത്തിന് വെയ്ക്കും. വൈകീട്ട് 3 മണിക്ക് അവിടെ തന്നെയാകും സംസ്‌കാര ചടങ്ങുകൾ നടക്കുക.