മോഹന്‍ലാലിനെ നായകനാക്കി പുതിയ സിനിമ ഒരുക്കുന്നുവെന്നുള്ള വ്യാജ വാർത്തയ്ക്കെതിരെ സംവിധായകൻ ഷാഫി. വിഷ്ണു ഉണ്ണി കൃഷ്ണനും ബിപിന്‍ ജോര്‍ജ്ജുമാണ് തിരക്കഥ എഴുതുന്നതെന്നും വാർത്തകളിൽ ചേർത്തിരുന്നു .
എന്നാല്‍ ഇപ്പോൾ പ്രചരിയ്ക്കുന്ന വാര്‍ത്തകളില്‍ സത്യമില്ലെന്ന് വ്യക്തമാക്കി രംഗത്തെത്തിയിരിയ്ക്കുകയാണ് ഇപ്പോള്‍ സംവിധായകന്‍.
അദ്ദേഹത്തിന്റെ വാക്കുകൾ
മോഹന്‍ലാലിനെ നായകമാക്കി ഒരു സിനിമ ഞങ്ങളുടെ മനസ്സിലുണ്ട് എന്നത് സത്യമാണ്. എന്നാല്‍ ഈ നേരം വരെ അങ്ങനെയൊരു സിനിമയെ കുറിച്ചുള്ള ചര്‍ച്ച മോഹന്‍ലാലുമായി നടന്നിട്ടില്ല. സിനിമയെ കുറിച്ച് അദ്ദേഹത്തിന് അറിയില്ല. ഈ സിനിമ സംഭവിക്കരുത് എന്ന് ആഗ്രഹിക്കുന്നവരാണ് ഇത്തരം വ്യാജ വാര്‍ത്തകള്‍ പടച്ചുവിടുന്നത്
നിലവില്‍ സുരാജ് വെഞ്ഞാറമൂട് നായകനായി എത്തുന്ന ദശമൂലം രാമു എന്ന സിനിമ നിര്‍മിയ്ക്കുകയാണ് ഷാഫി.