നടി മീനയ്ക്ക് യു എ ഇ യുടെ ഗോൾഡൻ വിസ . ദുബായ് കൾച്ചർ ആൻഡ് ടൂറിസം വകുപ്പാണ് നടി മീനയ്ക്ക് ഗോൾഡൻ വിസ അനുവദിച്ചത്. ദുബായ് താമസ കുടിയേറ്റ വകുപ്പ് ആസ്ഥാനത്ത് നിന്ന് മീന ഗോൾഡൻ വിസ ഏറ്റുവാങ്ങി.
തന്റെ സിനിമാ ജീവിതത്തിൽ ഏറ്റവും കൂടുതൽ ആരാധക പിന്തുണ ലഭിക്കുന്ന ദുബായിൽ നിന്ന് ഗോൾഡൻ വിസ ഏറ്റുവാങ്ങാൻ കഴിഞ്ഞത് ഏറെ സന്തോഷം പകരുന്നു എന്ന് മീന പറഞ്ഞു .ഗോൾഡൻ വിസ ഏറ്റുവാങ്ങിയതിനു പിന്നാലെ മീനയ്ക്ക് ദുബായ് എക്സ്പോയിലെ ഇന്ത്യ പവലിയനിൽ സ്വീകരണം നൽകി. നൗഷാദ് ഹസ്സൻ , റസീബ് അബ്ദുള്ള തുടങ്ങിയവർ സ്വീകരണ പരിപാടിയിൽ പങ്കെടുത്തു.
പല ദക്ഷിണേന്ത്യൻ ഭാഷകളിൽ അഭിനയിക്കാറുണ്ടെങ്കിലും മലയാള സിനിമയിൽ അഭിനയിക്കുമ്പോൾ കൂടുതൽ സന്തോഷം ലഭിക്കാറുണ്ട് എന്ന് മീന പറഞ്ഞു.